Hɛnkilimaya-Kumɛnu 9:10 - ALLALA KUMƐ

¹⁰ Hɛnkilima-tigiyɛ dabira-fɔlɛ le ka kilan Mari la. Ni i ya ale Sɛnima-Tigi lɔn, i si ko nya-yen.

Hɛnkilimaya-Kumɛnu 9:10 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 34:12

Wo ye a fɛ, wo ni to wo diya, wa? Wo ye nyinina simayɛ anubɛ sewɛ ma, wa?

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 2:5

Ni i ya wo dama ma, i si Mari-yala-kilan-kɔrɛ lɔn, wo kɔma, i si Alla lɔn bɛrɛbɛrɛ-wɛ-kɛ.

Hɛnkilimaya-Kumɛnu 30:3

N ma hɛnkilimaya-ko lɔn. Hali Alla wara-koe, n ma a lɔn.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.