Hɛnkilimaya-Kumɛnu 8:11 - ALLALA KUMƐ

¹¹ Nde hɛnkilimayɛ tenbira dugu-kɔrɔ-nɔnfuli la. I ye fan min nyinina duninya-latɛgɛ kɛ rɔ, nde tenbira wo dama la tɛrr!

Hɛnkilimaya-Kumɛnu 8:11 ပူးပေါင်းရင်းမြစ်များ

Yaburi 119:127

Ita tɔnnu di n ye kosɛbɛ! A di n ye sɛnɛ-bɛrɛ ko.

Yaburi 19:10

A fisa sɛnɛ-bɛrɛbɛrɛ ko. Hali li-kuran, a di wo ko.

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Hɛnkilimaya-Kumɛnu 20:15

Dugu-kɔrɔ-nɔnfuli siya kɔnɔ hɛnkilimaya-kuma-fɔlɛnu ma siya.

Yaburi 119:72

I ya tɔn minnu di n ma, wo fisa n ye sɛnɛ anubɛ wodi-wa-yirika ko.

Yaburi 119:103

Ila karan di n ye kosɛbɛ! A di n ye ka tenbi liyi la.

Hɛnkilimaya-Kumɛnu 31:10

Ka musu-hakikɛ sɔrɔn, wo gbɛlɛ de! Kɔnɔ ni i bole bɛnta a la, a tenbira dugu-kɔrɔ-nɔnfuli la.

Makawandili Kumɛnu 7:11

A bɛnnɛ hɛnkili ni taran mɔgɛ bɛɛ bolo. A si mɔgɔ dɛnbɛ iko kɛɛ-tonɛ.

Tɔn-Fɔɛ-Fila-Nyɔgɛ 30:13

Anu sa kɔgɔ-yi kɔgɔma iko komi wo ye mɔgɛ manyinikala anu bi-koe ma wo ye, woletɔ wo si a lamɔɛn ka anu bira.