Hɛnkilimaya-Kumɛnu 5:12 - ALLALA KUMƐ

¹² Wo si to a fɔla wo nyɛrɛ ma ko, “Nfenna n ma hɛnkili sɔrɔn yona? Nfenna n ma n tole masɔ mɔgɛnu na?

Hɛnkilimaya-Kumɛnu 5:12 ပူးပေါင်းရင်းမြစ်များ

Ko-Dabirɛnu 19:9

Nyama wonu nyɛɛra ale Lɔti ma ko, “I masɛgi. Ile sundan, i bɔ ma yarɔ, ile min bara i nyɛrɛ ma kiti-tɛgɛlɛ la ma tɛma kaka!” Anu ya a fɔ a ma tun ko, “Ni i kan le wo la, ma si ile tɔrɔ ka tenbi ila sundan kɛnu na.” Anu ya Lɔti latuntun kankan ma alako anu ni dɛ keri ka don.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Yaburi 73:22

n mani de wo wati rɔ iko soge. N ma ile Mari lɔn.

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 1:25

Wo ara wo ban nna makawandili-nyimɛ kɛnu na. A ma di wo ye, n ni wo latelen mumɛ!

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 10:17

Minnu si sɔn anu natelennɛnu bolo, wonu siyi-fɛ si yanya. Kɔnɔ minnu ti anu nyɛrɛla ko-tinya-gba yen makawandilɛ bolo, wonubɛ gbalo ti fara.

Hɛnkilimaya-Kumɛnu 12:1

Ni min si sɔn latelan ma, lɔnnɛ di wo tigi ye kɔnɔ ni min ti sɔn latelan ma, kun-takolɔn le wo la.

Hɛnkilimaya-Kumɛnu 13:18

Mɔgɛ min bi a kan-kɔ sɔla kawandili-kan la, wo si to yarabiyi anubɛ bolo-kolonyɛ rɔ. Min si a tole sigi kawandili-kan kɔrɔ, wo si to gbiliyɛ rɔ.

Hɛnkilimaya-Kumɛnu 15:5

Ni min ya a kan-kɔ sɔ a fala kawandili-kan la, yuwɛ le wo tigi la kɔnɔ ni min ya wo bira, hɛnkilimɛ le wo tigi la.

Hɛnkilimaya-Kumɛnu 5:11

Sayɛ wa gbɛrɛn wo ma, wo si to kurunna ha wo ni faga. Wo si bara kirayɛ bolo.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.