Hɛnkilimaya-Kumɛnu 4:9 - ALLALA KUMƐ

⁹ Ita gbiliyɛ si ma iko mansɛtɛ. A si ma mansaya-fulɛ la i kuma.”

Hɛnkilimaya-Kumɛnu 4:9 ပူးပေါင်းရင်းမြစ်များ

1 Mansɛnu 3:13

Hali i ma n manyinika fan minnuna ko ma, n si wonu fanan di i ma, fen-tigiyɛ anubɛ gbiliyɛ, kɔni. I nyɔgɔn-takɛn ti taran mansɛnu tɛma i siyi-tele-bɛɛ kɔrɔ.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Hɛnkilimaya-Kumɛnu 14:18

Kuntan ti fenfen sɔrɔn ata kuntanyɛla ko la fɔ yuwayɛ kɔnɔ hɛnkilimɛ barayi le lɔnnɛ la.

Hɛnkilimaya-Kumɛnu 16:31

Simayɛ le telenbagɛ sarɛ la, ado a kun-gbɛ si ma a gbiliya-fan la.

Hɛnkilimaya-Kumɛnu 3:22

A si wasinteyɛ anubɛ sewɛ di i ma iko kan-na-fan si mɔgɛ lakinya nya min.

Hɛnkilimaya-Kumɛnu 4:10

nna den, i tole masɔ n na. Ni i ya i sɛbɛ don, i siyi-fɛ si yanya.

Aiseya 28:5

Wati ye nala, Mari Sɛnbɛ-Bɛɛ-Tigi nyɛrɛ-nyɛrɛ si ma iko mansaya-fulɛ min nadannɛ kɔn-fere la. Ala mɔgɔ-dande minnu bi tola, ale si to wonu ye.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.