Hɛnkilimaya-Kumɛnu 4:13 - ALLALA KUMƐ

¹³ I wara minnu karan kɔrɔma la, i ni to i mirila wonu ma. I niyi-kole le ila karan la.

Hɛnkilimaya-Kumɛnu 4:13 ပူးပေါင်းရင်းမြစ်များ

Ko-Dabirɛnu 32:26

Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Hɛnkilimaya-Kumɛnu 10:17

Minnu si sɔn anu natelennɛnu bolo, wonu siyi-fɛ si yanya. Kɔnɔ minnu ti anu nyɛrɛla ko-tinya-gba yen makawandilɛ bolo, wonubɛ gbalo ti fara.

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Hɛnkilimaya-Kumɛnu 3:18

Minnu bara ma hɛnkilimɛnu na, wonu bara sewa. Ni minnu ya wo sɔrɔn, a si simayɛ di wo tigi ma.

Hɛnkilimaya-Kumɛnu 3:22

A si wasinteyɛ anubɛ sewɛ di i ma iko kan-na-fan si mɔgɛ lakinya nya min.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Hɛnkilimaya-Kumɛnu 8:35

Mɔgɛ min si to n nyinina tuma-wo-tuma, wo le ye simayɛ sɔrɔnna, ado a wara-koe si Mari hɛnɛ.

Makawandili Kumɛnu 7:12

Hɛnkili fanan si ko-nyinya i ma yarɔ ma iko wodi si ko-nyinya mɔgɛ ma nya min. Hɛnkilimayɛ si mɔgɔ-kunyɛ bɔ le nanparan rɔ. Ko-kɔrɔ-lɔn-tɔnɛ le wo la.

Keninteya-Siginu 3:4

N bi n bɔla wo dafɛ nya min, n bi ale, n diyana-mɔgɛ yenna. N ya a bira sigbi, alako a kana ta. N bara ta a la fɔɔ n nala konko la.

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Yɔni 6:68

Saimon Pita ya a yabi ko, “Mari, ma si ta yon bara gbɛ? Habadan-niyi-kumɛ ye ile le bolo.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

1 Tɛsalonaika 5:21

Wo ni koe bɛɛ fɛsɛfɛsɛ. Min kin, wo ni wo mara gben!

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!