Hɛnkilimaya-Kumɛnu 4:12 - ALLALA KUMƐ

¹² Ni i ye tagamana hɛnkilimayɛ rɔ, fenfen ti taran nyɔ min si kilɛ tɛgɛ i ma. Hali i ye i burila, i ti tɔnbɔn i kin kun na ka bui.

Hɛnkilimaya-Kumɛnu 4:12 ပူးပေါင်းရင်းမြစ်များ

2 Samuwɛli 22:37

E, Mari, i wara kilɛ rabɛn n ye, n si tagama kan min woletɔ n ma bui.

Yaburi 119:165

Ita tɔnnu di minnu ye, wonu yisi-kimani de poi! Fenfen sa nyɔ min si anu nabui.

Yaburi 119:45

N si to lafɛrɛ rɔ wo rɔ bawo n bara ita karan bira.

Yaburi 18:36

E, Mari, i wara kilɛ rabɛn n ye, n si tagama kan min woletɔ n ti bui.

Hɛnkilimaya-Kumɛnu 2:9

Ni i ya i tole masɔ n na, i si ko-latelennɛ anubɛ ko-nyimɛ lɔn. Koe min kin ka a ma, i si wo fanan lɔn.

Hɛnkilimaya-Kumɛnu 3:23

Wo si a ma, i tara kan-bo-kan, i ti nanparan sɔrɔn kilɛ la. Wo kɔma, i ti i kian latugu.

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Hɛnkilimaya-Kumɛnu 6:22

I tenbi tagama rɔ, karan wo si i sɔ kilɛ ma. I tenbi sani, a si i kandan. I tenbi i yala, a si to i kawandila.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.