Hɛnkilimaya-Kumɛnu 3:6 - ALLALA KUMƐ

⁶ I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Hɛnkilimaya-Kumɛnu 3:6 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Nihɛmaya 7:5

Nta Alla le ya a sa n yisi rɔ ko a kun-tigi wo, a mɔgɔ-ba wo, anubɛ a mɔgɛ toenu wo, ko n ni anu nadɛn ka anu tɔgɛ sɛbɛ iko anuna kebilɛ ye nya min. Mɔgɔ-birani-kɔrɛ minnu fɔlɔn nara, n ya wonu bakurinu sɛbɛnɛ yen. N ya min sɛbɛnɛ yen a rɔ, wo le kɛ la.

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Hɛnkilimaya-Kumɛnu 11:5

Telenbagayɛ si mɔgɔ-telennɛ-niyi lafulen a ma kɔnɔ karagbɛlɛyɛ si karagbɛlɛ wo bondan.

Hɛnkilimaya-Kumɛnu 16:3

I ni i fɛ-koe bɛɛ dantɛgɛ Mari ma, woletɔ ni i ya i bole don ko-wo-ko rɔ, wo si ta yarɔ.

Hɛnkilimaya-Kumɛnu 16:9

Mɔgɔni-gbuyi si ke a mirila koe ma a burɔ kɔnɔ Mari wo ye a latɛgɛla le.

Hɛnkilimaya-Kumɛnu 23:17

Keliyɛ kana i bira hakɛ-tiginu wara-koe ma. Marita gbiliyɛ min bi ile rɔ, wo le ni sɛnbɛ sɔrɔn i yisi rɔ yati!

Aiseya 26:7

Mari ya kilɛ rakɛnya ala mɔgɔ-nyimɛ ye! I ya a ma, anuna kilɛ latelenta.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 45:13

A ko ale le nyɛrɛ-nyɛrɛ ya Sairasi lawuli ko a ni ale Marita wɔlɛ kɛ anubɛ ka koenu natelen. Mari si kilɛnu matelen Sairasi yarɔ. A si sɔn Mansa Sairasi ni Yerusalɛm sɔ tun a kurɛ la. Wo kɔma, ale Sairasi ni ata mɔgɛnu kunyɛ bɔ birɛ rɔ. A ko mɔgɔ ma wodi di Sairasi ma wola ko la, mɔgɔ ma dogonta-fan di a ma. Mari Sɛnbɛ-Bɛɛ-Tigi kan le kɛ la.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Yɛrɛmaya 10:23

Mari, n ya a lɔn ko hadama-dan-niyi kerifanɛ i la le. Mɔgɔ-wo-mɔgɔ sa a nyɛrɛ bolo.

Yɛrɛmaya 42:3

I ni madiyali kɛ ma ye alako Mari Alla ni ma munanfaga-kilɛ yira ma la.”

Yilan-Yilan Koe 9:20

Ni a ya tele fila bɔ a dunnɛ kan min kindɛn, Isirɛla mɔgɛnu si anu daga makɛ nyɔ. Ni a mɛra ha karɛ kelen, anu fanan si to nyɔ karɛ kelen. Ni a mɛra nyɔ san kelen, anu fanan si to nyɔ san kelen. A tenbi a magala kawo, anu fanan bi Marita Fani-Bɔn wo wayanna, anubɛ anuna fani-bɔnnu ka bila Marita banda fin gbɛnɛ wo fɛ, a mara tele rɔ, a mara suyi rɔ. Anu tora wo mala iko Mari ya a fɔ Musa ye nya min.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

2 Kɔrɛnti 8:16

Ma si baraka bira Alla ye bawo keninteyɛ min nyɔgɔn ye male bolo, a ya wo nyɔgɔn di Taita ma wo dɛnbɛn-koe la!

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

Kɔlɔsi 3:23

Wo ye wɔlɛ min bɛɛ kɛla, wo ni wo ma wo yisi bɛɛ la iko wo ye wɔlila Mari ye nya min. Wo sa a mala mɔgɔni-gbuyi ye.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

1 Samuwɛli 30:8

Dawuda ya Mari manyinika, a ko, “N ni mɔgɛ kɛnu sagaran, ba? N si anu nasɔrɔn?” Mari ya a fɔ a ye ko, “Ta, i si ke anu tɔ. Anu bara ila mɔgɛ minnu bɛɛsi bira, wo si wonu kunka.”