Hɛnkilimaya-Kumɛnu 3:5 - ALLALA KUMƐ

⁵ I ni la Mari la i yisi bɛɛ la. I kana la i nyɛrɛta hɛnkili la.

Hɛnkilimaya-Kumɛnu 3:5 ပူးပေါင်းရင်းမြစ်များ

Ɛsira 8:23

Woletɔ ma ara sunyɛ don ka Alla matara ma lakanan-koe la, ado a ya ma matarali-kan wo lamɔɛn.

Yobu 13:15

Hali ni Alla ya n faga, a bɔrɔ sa n ye tun. N si to nta kumɛ sala a kɔrɔ.

Yaburi 125:1

Minnu yigi sanɛ Mari rɔ, wonu mani de iko Marita kɔnkɔ-sɛnimɛ Yerusalɛm. A ti yɛrɛyɛrɛn ka bɔ a gbɛ rɔ muk!

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 37:5

I nyɛrɛ latenbi Mari ma. Ni i lara ale la, a si i dɛnbɛ de!

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Hɛnkilimaya-Kumɛnu 22:19

N bi wo karanna kɛ la bi woletɔ wo si la Mari la wo yisi bɛɛ la.

Hɛnkilimaya-Kumɛnu 23:4

Ila hɛnkili lawɔli alako i kana i nyɛrɛ tinya nɔnfulu-nyini-tinɛ.

Hɛnkilimaya-Kumɛnu 28:26

Mɔgɔ-wo-mɔgɔ lara a nyɛrɛ la ha, kun-takolɔn le wo tigi la. Mɔgɛ min bi tagamana hɛnkilimayɛ rɔ, wo tigi si simayɛ sɔrɔn.

Hɛnkilimaya-Kumɛnu 3:7

I kana to i mirila ko i kelan le ya ko lɔn. Mari kelen peta kumɛ bira tun. I ni i ban ko-yogomɛ kɛla.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Yɛrɛmaya 10:23

Mari, n ya a lɔn ko hadama-dan-niyi kerifanɛ i la le. Mɔgɔ-wo-mɔgɔ sa a nyɛrɛ bolo.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Yilan-Yilan Koe 9:20

Ni a ya tele fila bɔ a dunnɛ kan min kindɛn, Isirɛla mɔgɛnu si anu daga makɛ nyɔ. Ni a mɛra ha karɛ kelen, anu fanan si to nyɔ karɛ kelen. Ni a mɛra nyɔ san kelen, anu fanan si to nyɔ san kelen. A tenbi a magala kawo, anu fanan bi Marita Fani-Bɔn wo wayanna, anubɛ anuna fani-bɔnnu ka bila Marita banda fin gbɛnɛ wo fɛ, a mara tele rɔ, a mara suyi rɔ. Anu tora wo mala iko Mari ya a fɔ Musa ye nya min.

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!