Hɛnkilimaya-Kumɛnu 3:34 - ALLALA KUMƐ

³⁴ A mako sa mɔgɔ-wasinɛnu na kɔnɔ a si ata kɛ-nya-nyimɛnu yira mɔgɔ-famayiginɛnu na.

Hɛnkilimaya-Kumɛnu 3:34 ပူးပေါင်းရင်းမြစ်များ

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Yaburi 18:26

Min sɛninyanɛ, Mari si kun-nadiyɛ di wo tigi ma. Min karagbɛlɛ, ale si a lagbɛlɛya wo tigi kuma.

Hɛnkilimaya-Kumɛnu 1:26

Woletɔ ni wo ye yakɔrɔ-mamɔɛ rɔ, fɔ ni n tora yɛlɛnna wo ma.

Hɛnkilimaya-Kumɛnu 14:9

Mɔgɛ min si kilan hakɛ la ka a sɔn latelen, kun-takolɔn si yɛlɛn de wo ma. Kɔnɔ ko-telenni-kɛ si diya mɔgɔ-latelennɛ ye.

Hɛnkilimaya-Kumɛnu 16:19

Yanni wobɛ mɔgɔ-wasinɛnu ni nɔnfuli tala wo nyɔgɔn tɛma, a fisa, i ni to sigini bolo-kolonyɛ rɔ mɔgɔ-famayiginɛnu tɛma.

Hɛnkilimaya-Kumɛnu 19:29

Mɔgɛ min si to mɔgɛ mayɛlɛnna, tɔrɔyɛ ye wo makɔnɔna. Gbesili fanan bi kun-takolɔn makɔnɔna.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Hɛnkilimaya-Kumɛnu 9:12

Ni min ya hɛnkilimayɛ sɔrɔn, wo ara tɔnɛ sɔrɔn. Kɔnɔ ni min ya a kan-kɔ sɔ a la, wo ara bɔnɔ.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”