Hɛnkilimaya-Kumɛnu 3:1 - ALLALA KUMƐ

¹ nna den, i kana nyina nna karan ko. I ni nna kumɛnu namara i yisi rɔ.

Hɛnkilimaya-Kumɛnu 3:1 ပူးပေါင်းရင်းမြစ်များ

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 119:153

N tɔrɔ-bole kɛ mafɛlɛn. I yandi, n nakanan bawo n ma nyina ita tɔnnu ko.

Yaburi 119:16

Ila tɔnnu ya n nanyagalen. N yili ti bɔ ita sereyanu ko muk!

Yaburi 119:176

Ni n tora yilan-yilanna iko saga-tununɛ, i ni i kolan layigi nde, ila wɔli-kɛlɛ ma alako n ni kanan bawo n ma ita tɔnnu boloka mumɛ!

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:61

Karagbɛlɛnu bara yili lasigi n ye kɔnɔ n ma nyina ita tɔnnu ko.

Yaburi 119:93

Ila karan minnu ya n to n niyi la, n ti nyina wonu ko mumɛ!

Yaburi 91:16

A ko a si anu siyi-fɛ yanya ka kisi-koe yira anu na.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Hɛnkilimaya-Kumɛnu 1:8

Nna den, i ni i fa anubɛ i nala kumɛ bira.

Hɛnkilimaya-Kumɛnu 16:31

Simayɛ le telenbagɛ sarɛ la, ado a kun-gbɛ si ma a gbiliya-fan la.

Hɛnkilimaya-Kumɛnu 2:1

Nna den, n bara i karan min na, i ni wo bira gben! I kana nyina wo ko de!

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Hɛnkilimaya-Kumɛnu 31:5

Ni mansɛ ya a min, a si nyina tɔnnu ko tiriya! Ala ko ti taran ala mɔgɛnu bara-ko rɔ ka telenbagaya-ko ladan makolamɛnu ye.

Hɛnkilimaya-Kumɛnu 4:2

ado n bi karan-nyimɛ dila wo ma, woletɔ wo ni to wo mirila kumɛ wo dama ma.

Hɛnkilimaya-Kumɛnu 4:21

I kana sɔn, anu ni anu sɔrɔn i la. To i mirila anu ma ka anu mara i yisi rɔ gben!

Hɛnkilimaya-Kumɛnu 4:5

I si hɛnkilimayɛ anubɛ ko-kɔrɔ-lɔn sɔrɔn. N bara min fɔ i ye, i kana nyina wo ko ka i kan-kɔ sɔ a la.

Hɛnkilimaya-Kumɛnu 8:1

Wo ye kan-bo-kan, wo ni wo tole masɔ. Hɛnkilimayɛ ye wo rakelela. Wo taranta kila la wo, wo taranta kɔnkɔ kuma wo, wo taranta kiti-fɔ-tina wo, wo tole masɔnɛ ni to.

Hɛnkilimaya-Kumɛnu 9:1

Hɛnkilimayɛ ya ala bɔn sɔ ka sɛnbɛrɛn-kɔn wɔrɔnfila sɔ a kɔrɔ minnu si bɔn wo bira gben!

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.