Hɛnkilimaya-Kumɛnu 24:9 - ALLALA KUMƐ

⁹ Kun-takolɔn miri ma fenfen na fɔ ko-yogomɛ, ado hakɛ le wo la. Mɔgɛ min si mɔgɔ mayɛlɛn, a wara-koe ti diya wo tigi ye.

Hɛnkilimaya-Kumɛnu 24:9 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yaburi 119:113

Lanayabɛlɛnu gbo n ye kɔnɔ ita tɔnnu keninɛ n bolo.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Hɛnkilimaya-Kumɛnu 22:10

Ni wo ya mɔgɔ-wasinɛ gben wo kurun tɔ, wo si kɛlɛ-nyɔgɔnyɛ anubɛ sɔsɔlɛ ban de wo tɛma.

Hɛnkilimaya-Kumɛnu 23:7

A si i latuntun a bolo-fan ma kɔnɔ hali wo, i kɔ-sɔgɔ sa a la bawo a si to a mirila dɔn-fan wo sɔrɔn-bole ma.

Hɛnkilimaya-Kumɛnu 24:8

Ni mɔgɔ-sɔn ma fenfen na fɔ ka a miri ko-yogomɛnu ma a sigi-nyɔgɛnu bara la, nanparan tatɛgɛlɛ le wo tigi la.

Hɛnkilimaya-Kumɛnu 29:8

Minnu si mɔgɛnu mayɛlɛn, wonu si soe bɛɛ yabasan. Kɔnɔ hɛnkilimɛ, wo si yisi-kimɛ lana soe burɔ.

Hɛnkilimaya-Kumɛnu 9:7

Ni i ya mɔgɔ-wasinɛ latelen, a si diminya i ma. Ni i ya mɔgɔ-yogomɛ latelen, a si i tanban.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Kɛwɔlɛnu 8:22

I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.