Hɛnkilimaya-Kumɛnu 23:9 - ALLALA KUMƐ

⁹ Hali i ma i tɔrɔ hɛnkilimaya-kumɛ fɔla kun-takolɔn ye bawo a ti sɔn a bira-koe ma fɔ ka i lafɛya.

Hɛnkilimaya-Kumɛnu 23:9 ပူးပေါင်းရင်းမြစ်များ

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Aiseya 36:21

Kɔnɔ mɔgɛ wonu tadenɛ tora sɔni iko Mansa Hɛsakaya ya a fɔ anu ye nya min. Anu ma fenfen fɔ!

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Yɔni 9:40

Farisi minnu bi a fɛ nyɔ, wo donu ya a kan lamɔɛn kɛ fɔla. Anu ya a manyinika ko, “A ye i kɔntɔ ko male fanan, fiyɔn le?”

Hɛnkilimaya-Kumɛnu 14:7

I kana na i gbɛrɛn kun-takolɔn ma alako a kana na i karan kuntanyɛ la.