Hɛnkilimaya-Kumɛnu 22:7 - ALLALA KUMƐ

⁷ Bolo-kolɔn si to yɔɔnyɛ rɔ fen-tigi kɔrɔ. Mɔgɛ wa yili tɛgɛ mɔgɔ-wo-mɔgɔ ma, a ara ma wola yɔɔn la.

Hɛnkilimaya-Kumɛnu 22:7 ပူးပေါင်းရင်းမြစ်များ

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 18:23

Bolo-kolɔn si a makinikini-kumɛ fɔ madiyalɛ tinɛ kɔnɔ nɔnfulu-tigi si nyɛɛ a ma a yabi tinɛ.

Hɛnkilimaya-Kumɛnu 22:16

Ni mɔgɛ ya ko-yogomɛ ma bolo-kolɔn la alako a ni ma nɔnfulu-tigi la, fɔ ale fanan ba ma bolo-kolɔn la, yɔ! Ni mɔgɛ tora fan dila nɔnfulu-tigi ma, ale fanan si ma bolo-kolɔn la.

Hɛnkilimaya-Kumɛnu 22:22

Mɔgɔ kana tɔnɛ sɔrɔn bolo-kolɔn kuma anuna bolo-kolonyɛla ko la. I kana bolo-kolɔn kɔndɔfili kiti tɛgɛ tinɛ.

Aiseya 24:2

A si duninya mumɛ kɛ daga kelen tɔ. A saraka-masɔla wo, a saraka-masɔbɛli wo, a yɔɔn wo, a yɔɔn-tigi wo, a fen-mayirala wo, a fen-sanna wo, a sinkali-kɛla wo, a ye sinkala min ma wo, a fen-tigi wo, a bolo-kolon wo, wo bɛɛ si kɛ daga kelen tɔ.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Emɔsi 8:4

Wole mɔgɔ bolo-labira-yilanu, wo ni wo tole masɔ Marita kumɛ la. A ko wo ye bolo-kolɔnnu bira boloko-yogomɛ-kɛla. Anu faga-sɔgɛ ye wo la.

Emɔsi 8:6

Ma si dɔn-fen-tinyanɛnu dɛ lagbɛlɛya mɔgɛnu kuma. Fɛlɛtenɛ minnu ti ke sanbara-sɔnkɛ sɔrɔnna, ma si wonu nyini ka anu dɔndɔ alako ma si anu ma yɔɔnnu na nya min ka anu mayira bawo anu ti ke yili-sarɛ wonu sɔrɔnna.”

Matiyu 18:25

Min bi a bolo, a ma yili-sarɛ bɔ min kɛ, mansɛ ko ale wo, ala musi wo, ala dannu wo, anu ni anu mayira iko yɔɔnnu ka a bolo-fan bɛɛ mayira alako ala yili si sara nya min.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!