Hɛnkilimaya-Kumɛnu 22:3 - ALLALA KUMƐ

³ Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo pɔrɔka-pɔrɔkɛ le ye tala a kun fɛ ka ta a kian layigi nanparan rɔ sokobo! Yarɔ gbɛ, a ni nimisa.

Hɛnkilimaya-Kumɛnu 22:3 ပူးပေါင်းရင်းမြစ်များ

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 22:4

Ni i ya Mari gbiliya, i ni i nyɛrɛ famayigi a ye. Wo si a ma, i ni nɔnfuli anubɛ gbiliyɛ anubɛ simayɛ sɔrɔn.

Hɛnkilimaya-Kumɛnu 27:12

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo ye tala a kun fɛ pɔrɔka-pɔrɔkɛ ka ta a kian layigi nanparan rɔ sogobo! Fɔ yarɔ gbɛ, a ni na to nimisala.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Hɛnkilimaya-Kumɛnu 7:7

A la ara wuli finna, n ya kemini-mɛsɛ do yen min kun-takolɔn a ta-nyɔgɛnu tɛma. A ye tala soe tɔnkɔn do rɔ musi dola bɔn magbenna.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!