Hɛnkilimaya-Kumɛnu 21:4 - ALLALA KUMƐ

⁴ Karagbɛlɛ si a nyɛrɛ kɔrɔbi ka wasi, ado hakɛ le wo la.

Hɛnkilimaya-Kumɛnu 21:4 ပူးပေါင်းရင်းမြစ်များ

Yobu 18:5

Karagbɛlɛ wola wan-takanɛ la si dufen, ado a ti waan raka tun.

Yobu 18:6

Karagbɛlɛ wo si ma iko lɛnpu sa bɔn min na.

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 131:1

E, Mari, n bara n boloka nta wasinteyɛ la. N bara n kan-kɔ sɔ n nyɛrɛ-kɔrɔtɛ la. N ti nyɛrɛ-kɔndɔfili-koe ladan tun. Ko-makawani-wɛnu bɔrɔ sa n ye tun.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 24:20

Nba, yigi sa karagbɛlɛ bolo a si a miri min ma. A wara-koe la si to dogbe iko lɛnpu wa dufen dɔi!

Hɛnkilimaya-Kumɛnu 30:13

Mɔgɛ donu fanan bi nyɔ, wonuna wasinteyɛ le gbuyɛ sanɛ anu yakɔrɛ ma.

Hɛnkilimaya-Kumɛnu 6:16

Ko-yogoma wɔrɔnfila ye nyɔ Mari ti ke a munyuna minnu kɔrɔ, 1. wasinteyɛ 2. foninya-fɔɛ 3. mɔgɔ-fagɛ min ma ko tinya 4. minnu miriya bɛnnɛ ko-yogomɛ ma tolon 5. minnu nakala ko-yogomɛ ma tinɛ 6. sereyɛ minnu bi foninyɛnu sala anu nyɔgɔn kuma 7. nafigi minnu bi na-kelen-nyɔgɛnu kunyɛ tugula anu nyɔgɔn na.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 3:16

Mari ko, “Yerusalɛm musinu wasi-nya mafɛlɛn. Anu sungban siginɛ tala san ma. Anu bi keminɛnu wululula anu yɛ tɔnkɔn la. Anu bi tala anu tɛbulan ramagala. Anu kin-na-yɔlɔkɔ-kan ye tala bɔla anu kian la se se se.”

Luka 11:34

I yɛ mani de i fɛrɛ-bɔnkɛ ye iko lɛnpu-lamalannɛ. Ni i yɛ kɛndɛ, i fɛrɛ bɛɛ lafanɛ waan la. Kɔnɔ ni i yɛ ma kɛndɛ, i fɛrɛ bɛɛ la si fa pinpi la.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Romu 14:23

Kɔnɔ ni a sikanɛ ala dɔn-fan rɔ, a wa a dɔn tumɛ min, Alla si a yiliki bawo a ma a dɔn dɛnkɛninyɛ fɛ, ado ni wo ya ko-wo-ko ma wo sikanɛ min tɔ, hakɛ le wo la.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”