Hɛnkilimaya-Kumɛnu 20:3 - ALLALA KUMƐ

³ Kun-takolɔn si sɔnkɛ tɛgɛ tiriya kɔnɔ ni i ko i ni gbiliyɛ sɔrɔn, fɔ i ni i masɛgi wo ko-sufanu na.

Hɛnkilimaya-Kumɛnu 20:3 ပူးပေါင်းရင်းမြစ်များ

Ko-Dabirɛnu 13:8

Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la.

2 Mansɛnu 14:9

Mansa Yɛhowasi ya kilayɛ wo kɔfili ka a fɔ a ye ko, “Lunyɛ do, wɔnɔ-firɛ min bi Lɛbanan kɔnkɛ rɔ, wo ya kilayɛ lata kɔlɔma-kuru-wɛ do ma nyɔ ko, ‘Nna dunmusi ni to ila dan ye.’ Kɔnɔ sogo-nyɛɛnɛ do belenta ka bɔ Lɛbanan nyamanɛ rɔ wɔnɔ-firɛ wo ratɛntɛnna.

Hɛnkilimaya-Kumɛnu 14:17

Mɔgɛ min yisi lakala, a si kuntanya-koe ladan kɔnɔ hallintore kusan a yisi birala.

Hɛnkilimaya-Kumɛnu 14:29

Ni min si ke a yisi birala, hɛnkilimɛ le wo la. Kɔnɔ mɔgɛ min ti ke a yisi birala, wo ye a yirala ko hɛnkili sa a la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 18:6

Kun-takolɔn darɔ-kan si nanparan lana a nyɛrɛ kuma, ha anu ni a gbesi.

Hɛnkilimaya-Kumɛnu 19:11

Hɛnkili ye mɔgɛ min na, wo le ye a yisi birala. Min bi a yɛ lagbanna mɔgɔ sɔn-yogomɛ kun na, wo tigi ara gbiliyɛ di a nyɛrɛ ma.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Hɛnkilimaya-Kumɛnu 26:17

Mɔgɛ min bi belenna basanna mɔgɛnuna sɔsɔli-kumɛ la, wo tigi mani de iko mɔgɛ min bi tala wuli birala a tole ma, a ma min lɔn.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

Yemesi 4:1

Kɛlɛ anubɛ sɔsɔlɛ minnu bi wo tɛma, wonu bɔnɛ mi? Anu bɔnɛ wola natanu denu tɔ minnu bi kɛlɛla wo yisi rɔ.