Hɛnkilimaya-Kumɛnu 20:1 - ALLALA KUMƐ

¹ Baan-minyɛ si mɔgɛ ma yuwɛ anubɛ sɔnkɔtoe la. Min bi a nyɛrɛ donna wo ko-sufa rɔ, hɛnkilima ma wo tigi la.

Hɛnkilimaya-Kumɛnu 20:1 ပူးပေါင်းရင်းမြစ်များ

Hoseya 4:11

Mari ko, “Baan-feremɛ ye a mala, wole nta mɔgɛnu bi kuntanya-koenu mala.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Hɛnkilimaya-Kumɛnu 31:4

“Nna den, a ma kin, mansɛnu ni baan min, ado baan-min-sɔgɛ kana anu bira.

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

2 Samuwɛli 11:13

Mansa Dawuda ya a kele fen dɔn tinɛ. Wo kɔma, wulɔn suyi nyɛrɛ rɔ, a ya a lamin kɔlikɔli! Kɔnɔ hali wo, Yuraya ma ta a warɛ bɔn la. A tara ki a gbɛ rɔ mansa-makandannɛnu bara nyandan rɔ.

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Aiseya 5:22

Gbalo ye wole gbɛɛ-minna-wɛnu ma. Wo ye wo wasila baan-tabasanni-minyɛ la.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Hɛnkilimaya-Kumɛnu 23:20

I kana gbɛɛ-minna-wɛnu anubɛ nugulamɛnu ma i diyana-mɔgɛ la bawo anu bara-koe si a laban bolo-kolonyɛ ma. Wo si a ma anu ni to kinɔgɔla, ado anu si to fɛrɛyɛ rɔ.

Habakuku 2:5

Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Aiseya 5:11

Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!