Hɛnkilimaya-Kumɛnu 2:4 - ALLALA KUMƐ

⁴ I ni a nyini iko mɔgɛ si dugu-kɔrɔ-nɔnfuli nyini nya min. I ni to a nyinina iko mɔgɛnu bi wodi nyinina nya min.

Hɛnkilimaya-Kumɛnu 2:4 ပူးပေါင်းရင်းမြစ်များ

Ko-Dabirɛnu 26:32

Wo tele nyɛrɛ rɔ, Isiyakata wɔli-kɛlɛnu nara a fɔ a ye ko, “Ma ara yi yen mala kɔlon-sinnɛ rɔ.”

Yobu 3:21

Saya-sɔgɛ ye anu na kɔnɔ anu ti faga. Anu si kanbɛ keni nɔnfuli ko.

Yaburi 119:127

Ita tɔnnu di n ye kosɛbɛ! A di n ye sɛnɛ-bɛrɛ ko.

Yaburi 119:14

Ka ita tɔnnu bira, wo di n ye nɔnfulu-wa-sɔrɔn ko.

Yaburi 119:72

I ya tɔn minnu di n ma, wo fisa n ye sɛnɛ anubɛ wodi-wa-yirika ko.

Yaburi 19:10

A fisa sɛnɛ-bɛrɛbɛrɛ ko. Hali li-kuran, a di wo ko.

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Hɛnkilimaya-Kumɛnu 2:3

I ni madiyali kɛ alako i ni karan sɔrɔn ka a nya-yen.

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Hɛnkilimaya-Kumɛnu 4:7

Hɛnkilimayɛ kolo koe bɛɛsi ko woletɔ i ni i raya ha ka a kɔrɛ lɔn.

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Matiyu 13:44

Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”

Matiyu 19:29

ado min bɛɛ ara ala bɔn to, anubɛ a na-kelen-nyɔgɛnu, anubɛ a sɔrɔnnɛnu, anubɛ ala dannu, hali ata sɛnɛ-kɛ-tinɛ ndela ko la, wo si wo nyɔgɔn kɛmɛ sɔrɔn anubɛ habadan-nimayɛ fanan.

Luka 16:8

“Kun-tigi-kensunte kɛ tigi ya a matɔgɔ halliyɛ-su wola ko la bawo duninya-kɛ-mɔgɛnu halliyanɛ anuna koenu tɔ ka tenbi wonu na minnu bi waantɛ la.”