Hɛnkilimaya-Kumɛnu 2:13 - ALLALA KUMƐ

¹³ Mɔgɛ le wonu na minnu bara telenbagayɛ boloka ka bila pinpita kilɛ fɛ.

Hɛnkilimaya-Kumɛnu 2:13 ပူးပေါင်းရင်းမြစ်များ

Yaburi 14:3

Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Yaburi 82:5

Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Hɛnkilimaya-Kumɛnu 21:16

Mɔgɔ-wo-mɔgɔ ya a kian bɔ hɛnkilimaya-kilɛ ma, wo tigi ara a kian sɔ kanbarɔ-ta-kilɛ ma.

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Aiseya 59:8

Anu ma a lɔn anu si to yisi-kimɛ rɔ nya min. Anu kɛ-nya fenfen ma telen. Anu tadunɛ kɔnkɔrɔntɔn! Mɔgɔ-wo-mɔgɔ bilara kɛnu fɛ, wo tigi ti yisi-kima sɔrɔn.

Isikiyɛli 18:26

Ni mɔgɔ-telennɛ ya a bɔ ko-nyimɛ da kun tɔ, a ni don ko-yogoma-kɛ rɔ, a si faga. A tɔgɔ si to ala ko-yogoma-kɛ wo le la.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Yɔni 1:6

Alla ya ala kilayɛ do sɔ. A tɔgɛ Yɔni.

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.