Hɛnkilimaya-Kumɛnu 2:12 - ALLALA KUMƐ

¹² Hɛnkilimayɛ si a ma, i ti bila ko-yogoma-kɛlɛnuta kilɛ fɛ. A si i tanka foninya-fɔlɛnu ma.

Hɛnkilimaya-Kumɛnu 2:12 ပူးပေါင်းရင်းမြစ်များ

Yaburi 101:4

N ti sɔn defan, mɔgɔ-telenbɛlɛnu ni anu gbɛrɛn n ma. N hayu mumɛ sa ko-yogomɛ la.

Yaburi 141:4

N miriya bɔ ko-yogomɛ ma. Doinu tenbi ko-yogomɛ mala, n kana kofu anu ma. N kana na anuna bɛsi-kɔ-fannu dɔn.

Hɛnkilimaya-Kumɛnu 10:32

Mɔgɔ-telennɛnu ti mɔgɔ-gboyana-kuma fɔ kɔnɔ karagbɛlɛnu darɔ-kan ti bɛn mɔgɛnu ma.

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

Hɛnkilimaya-Kumɛnu 23:33

Gbɛɛ si i kunyɛ rafin ha i ni fan donu yen, i ma duru minnu yenna. A si a ma, i ti ke i mirila a kin na! A si a ma, i ni to kuma nigili-nagalɛnu fɔla.

Hɛnkilimaya-Kumɛnu 28:26

Mɔgɔ-wo-mɔgɔ lara a nyɛrɛ la ha, kun-takolɔn le wo tigi la. Mɔgɛ min bi tagamana hɛnkilimayɛ rɔ, wo tigi si simayɛ sɔrɔn.

Hɛnkilimaya-Kumɛnu 3:32

bawo wunduyogenu sɔgɔ labɔnɛ Mari la lasi! Kɔnɔ a si a gbundi yira mɔgɔ-telennɛnu na.

Hɛnkilimaya-Kumɛnu 6:12

Tanyinibɛlɛnu bi belenna foninyɛ fɔla kan-bo-kan.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Hɛnkilimaya-Kumɛnu 9:6

Ni wo bɔra kuntannu tɛma, wo si simayɛ sɔrɔn. Wo ni bila hɛnkilimaya-kilɛ fɛ.”

Kɛwɔlɛnu 20:30

Mɔgɛ donu si bɔ wo nyɛrɛta kurɔn kɛ rɔ ka foninyɛ fɔ alako dɛnkɛninya-mɔgɛnu ni bila anu fɛ.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.