Hɛnkilimaya-Kumɛnu 18:4 - ALLALA KUMƐ

⁴ Kumɛ min bi bɔla hɛnkilimɛ da rɔ, a kɔrɛ-lɔn gbɛlɛ iko tungban-kɔrɛ ye nya min. Ale hɛnkilimɛ si to hɛnkili-kurɛnu nabɔla a da rɔ iko tenke si to bɔla a denkɛ rɔ nya min.

Hɛnkilimaya-Kumɛnu 18:4 ပူးပေါင်းရင်းမြစ်များ

Yaburi 78:2

N bi nala hɛnkilimaya-kumɛnu fɔla minnu bi ko-dogonni-kɔrɛnu takaranna wo ye.

Hɛnkilimaya-Kumɛnu 10:11

Mɔgɔ-nyimɛnu darɔ-kan si ma niyi-tenke la, kɔnɔ karagbɛlɛya-kumɛnu si to bɔla mɔgɔ-yogomɛ dɛ rɔ.

Hɛnkilimaya-Kumɛnu 13:14

Hɛnkilimɛta karan mani de iko tenke-hakikɛ, ado karan wo si mɔgɛ dɛnbɛ ka a bɔ sayɛ da la.

Hɛnkilimaya-Kumɛnu 16:22

Hɛnkilimayɛ si simayɛ di a tigi ma kɔnɔ kuntanyɛ si kuntannu tɔrɔ.

Hɛnkilimaya-Kumɛnu 18:3

Ko-yogoma-kɛ si miliyɛ lana mɔgɛ kuma. Miliyɛ si yarabiyi sanba mɔgɛ ma.

Hɛnkilimaya-Kumɛnu 20:5

Mɔgɔ-burɛ lɔn-koe gbɛlɛ iko yi-suri-koe kɔlɔn-yanma-wɛ rɔ kɔnɔ hɛnkilimɛ si ke mɔgɔ-burɛ surila le.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.