Hɛnkilimaya-Kumɛnu 18:3 - ALLALA KUMƐ

³ Ko-yogoma-kɛ si miliyɛ lana mɔgɛ kuma. Miliyɛ si yarabiyi sanba mɔgɛ ma.

Hɛnkilimaya-Kumɛnu 18:3 ပူးပေါင်းရင်းမြစ်များ

Nihɛmaya 4:4

Woletɔ n ya Alla matara, n ko, “E, Alla, i wɔlɔ matɔlɔ ma rasɛlɛnu bi min fɔla ma ma. Ma mayɛlɛn-kan ni sɛgi anu kɔgɔ rɔ. I yandi, a ma, mɔgɛ donu ni na anu bira ka ta anubɛ anu bolo-fannu na pon!

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Yaburi 69:9

N bi miriya-nyima min telenna i Bato-Bɔn la, wo mani de iko tɛ le ye n mintanna n yisi rɔ. Anu bi mɔɛn-kumɛ minnu natala i ma, wo ye sɛgila nde le ma.

Hɛnkilimaya-Kumɛnu 11:2

Mɔgɔ-wasinɛ ti mɛ yarabila kɔnɔ hɛnkilimayɛ ye mɔgɔ-mafaganɛ bolo.

Hɛnkilimaya-Kumɛnu 13:5

Foninyɛ ma di mɔgɔ-latelennɛ ye kɔnɔ karagbɛlɛla kumɛ si na miliyɛ anubɛ yarabiyi la a ma.

Hɛnkilimaya-Kumɛnu 18:2

Ko-nya-yen ma di kun-takolɔn ye. Fɔ ka to a nyɛrɛ miriyanu takaranna, wo le di a ye.

Hɛnkilimaya-Kumɛnu 18:4

Kumɛ min bi bɔla hɛnkilimɛ da rɔ, a kɔrɛ-lɔn gbɛlɛ iko tungban-kɔrɛ ye nya min. Ale hɛnkilimɛ si to hɛnkili-kurɛnu nabɔla a da rɔ iko tenke si to bɔla a denkɛ rɔ nya min.

Hɛnkilimaya-Kumɛnu 22:10

Ni wo ya mɔgɔ-wasinɛ gben wo kurun tɔ, wo si kɛlɛ-nyɔgɔnyɛ anubɛ sɔsɔlɛ ban de wo tɛma.

Hɛnkilimaya-Kumɛnu 29:16

Mɔgɔ-yogomɛ wa tɔgɛ sɔrɔn, ko-yogomɛ si to siyayala kɔnɔ hali wo, mɔgɔ-latelennɛnu si karagbɛlɛnuna ban-bole yen.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.

1 Pita 4:4

Nba, kaka Alla-batobɛlɛnu bara kawa bawo wo sa kofula anu ma tun kisimiriya-sufa wonu tɔ. Woletɔ anu bi wo lafɛyala.

1 Samuwɛli 20:30

Mansa Sɔli diminyara Yonatan ma. A ya a fɔ a ye ko, “Ile yɛlɛn-musu-kɔrɔ-dan! N bara a lɔn ko ile le sɔnɛ Yɛsila den Dawuda fɛ. Wo si ma miliya-koe la wobɛ i na bolo.