Hɛnkilimaya-Kumɛnu 17:3 - ALLALA KUMƐ

³ Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Hɛnkilimaya-Kumɛnu 17:3 ပူးပေါင်းရင်းမြစ်များ

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 28:1

Denkɛnu bi nyɔ, mɔgɛnu bi wodi-gbɛ sɔrɔnna kan min. Kan-tinɛnu bi nyɔ, anu si sɛnɛ layigi kan min.

Yaburi 139:23

E, Alla, n miriya lakɔrɔsi ka n fɛsɛfɛsɛ. I ni n kɔntɛ lɔn a kila-bɛrɛbɛrɛ fɛ.

Yaburi 26:2

Mari, n tasuma ka n nakɔrɔsi ka n kɔntɔ-koenu anubɛ nna miriyanu lɔn.

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Hɛnkilimaya-Kumɛnu 15:11

Hali sayɛ min dogonnɛ, ni Mari ye wo yenna, kumanato a ti ke male mɔgɔni-gbuyi-miriya lɔnna.

Hɛnkilimaya-Kumɛnu 16:2

Mɔgɔ kɛ-nya kin a nyɛrɛ ya la kɔnɔ Mari wo ma fili ma sɔndɔmɛ ma.

Hɛnkilimaya-Kumɛnu 17:2

Bonna-wɔli-kɛla-hɛnkilimɛ si taran bon-tigila den-milibɛlɛ kun na bɔn la. Anubɛ bon-tigi wola dannu ta si kɛnya kɛɛ-sɔrɔn rɔ bɔn wo la.

Hɛnkilimaya-Kumɛnu 21:2

Mɔgɛ ya a lɔn ko a ye koe min bɛɛsi ladanna a nyɛrɛ ma, wo latelenta kɔnɔ Mari le ya ma yisirɔ-koenu lɔn.

Hɛnkilimaya-Kumɛnu 27:21

Iko tɛ si sɛnɛ anubɛ wodi-gbɛ-boe bɔ a kɛndɛ yala nya min, matɔgɔlɛ fanan si mɔgɛ kɔrɔbɔ wo nya na le.

Aiseya 48:10

A ko a ara wo kɔrɔbɔ tɔrɔyɛ la ka wo sɛninya iko wodi-gbɛ si sɛninya tɛ la nya min kɔnɔ ko ma bɔ a rɔ.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Isikiyɛli 22:18

“Ile hadama-dan, n mako sa Isirɛla mɔgɛnu na tun mumɛ! Mɔgɛ wa wodi-gbɛ lalee sulubondɔn rɔ, Isirɛla mɔgɛnu mani de iko a boe min bi tola a kɔrɔ, a mara sila la wo, a mara nɛgɛ-su-gbɛrɛkɛ la wo, a mara dandakuyi la wo. N mako sa wonu fenfen na.

Daniyɛli 11:35

Kun-tigi-hɛnkilimɛ donu si faga kɔnɔ a toe minnu bi tola, wonu si anu sɔ anuna telenbagayɛ rɔ gben! Anu bi tola wo le kun na ha Allata wati-latɛgɛnɛ ni ke.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.