Hɛnkilimaya-Kumɛnu 17:12 - ALLALA KUMƐ

¹² Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Hɛnkilimaya-Kumɛnu 17:12 ပူးပေါင်းရင်းမြစ်များ

Hoseya 13:8

N si kɛ wo ma iko sogo-ferema-yuwan, ala dan wa tunu a ma. A si wo buyi laka. A ye kɛla wo ma kan min, a ye wo dɔnna nyɔ le sa! N si wo rafarafara iko sogo-dalamɛ si a ma nya min.

2 Samuwɛli 17:8

Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Hɛnkilimaya-Kumɛnu 27:3

Kun-takolɔn ye diminyɛ min nanala mɔgɛnu kuma, wo gbili ka tenbi kuru-dunɛ anubɛ kɛnkɛn-dunɛ la.

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

Hɛnkilimaya-Kumɛnu 17:11

Mɔgɔ-yogomɛ si to murutiyɛ kun na, ado anu bi min natala wo bira tinɛ, ni wo kera a ma, a ti kinikini a ma.

Hɛnkilimaya-Kumɛnu 29:9

Ni hɛnkilimɛ tara kun-takolɔn la mɔgɔ-banu bara kiti tɛgɛ tinɛ, kun-takolɔn si to a mayɛlɛnna ka sɔnkɔ tɛgɛ. Wo si a ma, yisi-kimɛ ti taran anu tɛma.