Hɛnkilimaya-Kumɛnu 15:8 - ALLALA KUMƐ

⁸ Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 15:8 ပူးပေါင်းရင်းမြစ်များ

2 Samuwɛli 15:12

Abasalɔm don ala saraka-bɔɛ rɔ, a ya kilayɛ lata Ahitafɛli ma Kailo soe burɔ. Mansa Dawuda makawandilɛ do le wo la. Abasalɔm ara yanfɛ min kiri a fa kan ma, a ara fɔlɔla fanka sɔrɔnna wo rɔ. Abasalɔm gba-fɛ-bilalɛnu tora siyayala.

1 Mansɛnu 3:10

Mansa Silamɛni ya Alla manyinika minna ko la, wo ya Mari hɛnɛ.

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Hɛnkilimaya-Kumɛnu 10:24

Mɔgɔ-telennɛ nyinita fenfen ma, fɔ a wa wo sɔrɔn kɔnɔ mɔgɔ-karagbɛlɛ kilanta fenfen na, wo le ye a birala.

Hɛnkilimaya-Kumɛnu 15:29

Mari si a wɔlɔ matɔlɔ mɔgɔ-latelennɛnuna madiyalɛnu na kɔnɔ Mari fɛ-yan karagbɛlɛnu na pon!

Hɛnkilimaya-Kumɛnu 15:7

Hɛnkilimɛ si lɔnnɛ ranyɛnsɛn mɔgɛnu tɛma kɔnɔ kuntanyɛ ti wo ma.

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Saraka-Masɔlɛnuta Tɔnnu 7:18

Ni anu ya a soge wo do dɔn a tele sawa nyɔgɛ, Alla ti sɔn kei wota sarakɛ la worɔ tun. Saraka-bɔlɛ ti tɔnɔ mumɛ sɔrɔn wo rɔ tun, ado sarakɛ wo sɛninyani ma tun iko tɔn ya a fɔ nya min. Ni mɔgɔ-wo-mɔgɔ ya a dɔn, wo tigi si a hakɛ sɔrɔn.

Maika 6:6

Isirɛla mɔgɛnu ya a fɔ anu nyɔgɛ ye ko, “Mari Alla min bi Arinyɛni tɔ, male si na nfen na ale ye a bato-tinɛ min si a hɛnɛ? Ni ma nara san kelen ninki-den-hakikɛnu na ka anu ma saraka-mintantɛnu na, wo si a bɔ?

Maika 6:7

Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”

Hegayi 2:14

Nde, Nɛbi Hegayi ya Marita kumɛ kɛ le fɔ ko, “Ka a bi Marita Bon-tinya-wati ma ha ka a sigi kaka la, wo biranɛ Mari bolo ka le. Wo mani de iko mɔgɛ kɛnu min sɛninyabɛlɛ. Wo ya fenfen fui, a ti ma-a-la. Wo ya saraka-wo-saraka bɔ, a ti wo munanfaga.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Yɔni 4:24

Alla, niyi le. Minnu bi a batola, anu ni a bato a kila-bɛrɛbɛrɛ fɛ ala Ni-Sɛnimɛta dɛnbɛnɛ fɛ iko a ye nyinina a ma nya min.”