Hɛnkilimaya-Kumɛnu 15:5 - ALLALA KUMƐ

⁵ Ni min ya a kan-kɔ sɔ a fala kawandili-kan la, yuwɛ le wo tigi la kɔnɔ ni min ya wo bira, hɛnkilimɛ le wo tigi la.

Hɛnkilimaya-Kumɛnu 15:5 ပူးပေါင်းရင်းမြစ်များ

Hɛnkilimaya-Kumɛnu 13:18

Mɔgɛ min bi a kan-kɔ sɔla kawandili-kan la, wo si to yarabiyi anubɛ bolo-kolonyɛ rɔ. Min si a tole sigi kawandili-kan kɔrɔ, wo si to gbiliyɛ rɔ.

Hɛnkilimaya-Kumɛnu 13:1

Den-hɛnkilimɛ si a fala kawandili-kan bira kɔnɔ mɔgɛ min si mɔgɔ mayɛlɛn, wo ti kawandili-kan bira.

Hɛnkilimaya-Kumɛnu 19:20

Ni i tara i tole masɔ kawandili-kan la ka a bira, lunyɛ do, fɔ i wa ma hɛnkilimɛ la.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Taita 1:13

Nɛbi wo ya min fɔ, tonyɛ le. Wo le ya a to, i ni anu makuma bɛrɛkɛ alako anu ni dɛnkɛninya-kɛndɛ sɔrɔn.

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Hɛnkilimaya-Kumɛnu 10:1

Den-hɛnkilimɛ si a ma, a sɔrɔnbagɛnu ni sewa kɔnɔ den-hɛnkilibɔnɛ si a ma, a sɔrɔnbagɛnu yisi ma ni gboya.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Hɛnkilimaya-Kumɛnu 15:4

Kuma-nyimɛ si simayɛ di mɔgɛ ma kɔnɔ kuma-yogomɛ si mɔgɔ yisi tinya pɔ!

Hɛnkilimaya-Kumɛnu 15:6

Fen-koloma-siyaman bi mɔgɔ-latelennɛ bolo kɔnɔ karagbɛlɛta tɔnɛ ma fenfen na fɔ tɔrɛ.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.