Hɛnkilimaya-Kumɛnu 13:2 - ALLALA KUMƐ

² Mɔgɔ-nyimɛ si barayi sɔrɔn a darɔ-kan fɛ kɔnɔ karagbɛlɛ sigi-kunya le ko-yogoma-kɛ la.

Hɛnkilimaya-Kumɛnu 13:2 ပူးပေါင်းရင်းမြစ်များ

Yaburi 140:11

Minnu bi ma tɔgɛ malibi-libila, alamɛ wonu wara-koe diginta bore la map! Minnu bi wunduyogoyɛ mala, alamɛ karagbɛlɛyɛ ya wo manɛgɛn ka wo lato dogbe!

Yaburi 75:8

Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Hɛnkilimaya-Kumɛnu 1:18

Kɔnɔ mɔgɔ-yogomɛ kɛnu bi gbɛrɛ lasigila anu nyɛrɛ ye, anu ya sa a la, ado anu si faga anu nyɛrɛta gbɛrɛ-lasiginɛ la.

Hɛnkilimaya-Kumɛnu 1:31

Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 10:11

Mɔgɔ-nyimɛnu darɔ-kan si ma niyi-tenke la, kɔnɔ karagbɛlɛya-kumɛnu si to bɔla mɔgɔ-yogomɛ dɛ rɔ.

Hɛnkilimaya-Kumɛnu 11:23

Ni mɔgɔ-nyimɛ nyinita ko-nyimɛ ma, a si wo sɔrɔn. Kɔnɔ ni mɔgɔ-karagbɛlɛ ye nyinina fan do ma, fenfen ti bɔ a rɔ Allata fondo-bɔɛ bolo.

Hɛnkilimaya-Kumɛnu 12:14

Mɔgɔ ye tɔnɛ sɔrɔnna ala kuma-nya-nyimɛ le fɛ, ado a si barayi sɔrɔn iko a kɛ-nya-nyimɛ ye nya min.

Hɛnkilimaya-Kumɛnu 18:20

Hɛnkilimɛ ye kumɛ min nabɔla a dɛ rɔ, wo si fa wo tonɛ la. A ye fan min sɔrɔnna a darɔ-kan fɛ, wo si a wasa.

Hɛnkilimaya-Kumɛnu 18:21

Mɔgɔla kumɛ tenbira niyi anubɛ sayɛ la. Kuma-siyaman-fɔɛ di min ye, wo si nanparan sɔrɔn ka a tɛgɛ a darɔ-kan ma.

Hɛnkilimaya-Kumɛnu 4:17

Karagbɛlɛyɛ le manɛ anu de-nyini-fan la. Masiba-koe le manɛ anu min-kɛ-fan la.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”