Hɛnkilimaya-Kumɛnu 13:16 - ALLALA KUMƐ

¹⁶ Yanni hɛnkilimɛ ni ko-wo-ko ma, fɔ a wa a miri kɔnɔ bɛɛ si kun-takolɔnla kuntanyɛ lɔn.

Hɛnkilimaya-Kumɛnu 13:16 ပူးပေါင်းရင်းမြစ်များ

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Hɛnkilimaya-Kumɛnu 14:33

Hɛnkili si a sa-bole rabɛn hɛnkilimɛ kunyɛ rɔ. Hali kuntan si hɛnkili yen hɛnkilimɛ rɔ.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Hɛnkilimaya-Kumɛnu 18:2

Ko-nya-yen ma di kun-takolɔn ye. Fɔ ka to a nyɛrɛ miriyanu takaranna, wo le di a ye.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Makawandili Kumɛnu 10:13

Kun-takolɔn si kumɛ dabira kuntanya-kumɛ le ma kɔnɔ ala ban si ma a bolo yuwaya-kumɛ le ma,

Makawandili Kumɛnu 10:3

Hali sundan wa a taran kilɛ la, a si ala kuntanyɛ bira a ma. Bɛɛ si a lɔn kuntan la.

Aiseya 52:13

Mari ko ala wɔli-kɛlɛ si ala wɔlɛ nɔ le, ado mɔgɛnu si a bi ka a gbiliya.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Romu 16:19

Mɔgɛ bɛɛ ara wola lanaya-koe lamɔɛn kibara-nyimɛla ko la. Woletɔ n sewanɛ wola ko la. N bi a fɛ, wo ni ma hɛnkilimɛnu na ko-nyimɛ warala kɔnɔ wo ni ma mɔgɔ-magbalanɛnu na ko-yogomɛ warala.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

1 Samuwɛli 25:17

Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”

1 Samuwɛli 25:25

I kana i tole masɔ kun-takolɔn wo la. Ale mani de iko a tɔgɛ wo ye nya min bawo a tɔgɛ wo kɔrɛ le, ‘Kun-takolɔn.’ Ila wɔli-kɛlɛ wonu bi nala a wara tumɛ min, wo ya a taran, nde sa nyɔ nun.