Hɛnkilimaya-Kumɛnu 11:4 - ALLALA KUMƐ

⁴ Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 11:4 ပူးပေါင်းရင်းမြစ်များ

Ko-Dabirɛnu 7:1

A wati kera tumɛ min, Mari ya a fɔ Nowa ye ko, “Wobɛ ila denbayɛ ni don kulɔn rɔ. N bara a yen ile le kelen pe telennɛ n ya la duninya rɔ.

Yobu 20:28

Allata fondo-bɔɛ si tugu a kun na iko yi. A si tugu a bolo-fan bɛɛ kun na ka ta anu na Allata Kiti-Tɛgɛ-Lunyɛ.

Hɛnkilimaya-Kumɛnu 10:2

Mɔgɔ ye nɔnfuli minnu sɔrɔnna kensunyɛ rɔ, wo ti a munanfaga kɔnɔ ko-latelennɛ si mɔgɛ matanka siyi-matɛn ma.

Hɛnkilimaya-Kumɛnu 12:28

Telenbagayɛ si simaya-kilɛ yira mɔgɛ la, ado kilɛ wo dan sa.

Hɛnkilimaya-Kumɛnu 6:34

Diminya-wo-diminya ti tenbi ala kei-kelitɛ la, ado a tayili-sarɛ dan sa.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 7:19

Anu si anuna sɛnɛ anubɛ anuna wodi-gbɛnu nakɛ a rɔ luyinu ma iko bin-gbalɛ bawo nde, Mari wa wuli anu tɔrɔla, wo fenfen ti ke anu kunyɛ bɔla a rɔ. Fen-kolomɛ wonu ti anu mako nyinya. Anu buyi la ti fa wonu na, ado anuna sɛnɛ anubɛ anuna wodi-gbɛ, wonu denu ya anu nadon hakɛ rɔ.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Romu 5:17

Tonyɛ le, ka a tɛgɛ mɔgɔ kelan wola hakɛ ma, sayɛ ya mansayɛ kɛ ma kuma. Kɔnɔ Yisa, Allata-Mɔgɔ-Yabɔnɛ ya min ma, wonubɛ kɛ ti sanka anu nyɔgɔn ma. Male ara Allala hinɛ sɔrɔn Yisa baraka rɔ, ado a ya ma sanba telenbagayɛ la fanan. Woletɔ Kirasiti baraka rɔ, male si nɔ-ko sɔrɔn hakɛ ma.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.