Hɛnkilimaya-Kumɛnu 11:10 - ALLALA KUMƐ

¹⁰ Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa. Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.

Hɛnkilimaya-Kumɛnu 11:10 ပူးပေါင်းရင်းမြစ်များ

Hɛnkilimaya-Kumɛnu 28:12

Ni mɔgɔ-nyimɛ ya sɛnbɛ sɔrɔn, mɔgɛ bɛɛ si sewa. Kɔnɔ ni wunduyoge ya sɛnbɛ sɔrɔn, mɔgɛ bɛɛ si anu dogon a kɔrɔ.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.

Hɛnkilimaya-Kumɛnu 28:28

Mɔgɔ-yoge wa kun-tigiyɛ sɔrɔn, mɔgɛ bɛɛ si a dogon a kɔrɔ. Kɔnɔ a wa kasara, mɔgɔ-latelennɛnu si wara.

Yobu 27:23

Anu burumatoe tenbi tala, fɔnyɔ ye a dɛ gbesila anu kɔma. Ala kasara-mankan ye anu kumakɔla.

Bɔ-Koe-Iyipiti 15:21

Miriyam ya bɛti bɔ Isirɛla mɔgɛnu ye ko, “Ma ni bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu nato kɔgɔ-yi rɔ.”

2 Mansɛnu 11:20

Mɔgɛ bɛɛ sewara, ado soe wo kimara don bawo anu bara Atalaya faga mansɛla bolɔn la.

Hɛnkilimaya-Kumɛnu 11:11

Mɔgɔ-telennɛ si ala soe munanfaga ka a lata yarɔ kɔnɔ karagbɛlɛnuta-kumɛ si a ma, soe ni tinya pɔ!

Hɛnkilimaya-Kumɛnu 29:2

Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 23:21

Mɔgɛ bɛɛ sewara. Kɔnɔ soe tora yisi-kimɛ rɔ bawo anu bara Atalaya faga.

Yɛrɛmaya 51:48

Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.