Hɛnkilimaya-Kumɛnu 10:8 - ALLALA KUMƐ

⁸ Hɛnkili ye mɔgɛ min bolo, wo si makawandili-kuma-nyimɛnu bira. Kɔnɔ min bi kuntanya-kumɛnu fɔla, wo si to fu!

Hɛnkilimaya-Kumɛnu 10:8 ပူးပေါင်းရင်းမြစ်များ

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Hɛnkilimaya-Kumɛnu 1:5

Wole hɛnkilimɛnu, wo ni wo tole masɔ. Kumɛ kɛnu si do kofu wo hɛnkilinu ma. A si kilɛ yira mɔgɔ-karannɛnu na.

Hɛnkilimaya-Kumɛnu 10:10

Minnu bi anu yɛ makerila foninyɛ kuma, wonu si nanparan lana anu na-kelen-nyɔgɛnu kuma, ado minnu bi kuntanya-kumɛnu fɔla, wonu si kasara.

Hɛnkilimaya-Kumɛnu 10:14

Hɛnkilimɛ si to lɔnnɛ ladɛnna a kunyɛ rɔ kɔnɔ kasarɛ ti mɛ bɔla hɛnkilibɔnɛla kumɛ fɛ.

Hɛnkilimaya-Kumɛnu 12:1

Ni min si sɔn latelan ma, lɔnnɛ di wo tigi ye kɔnɔ ni min ti sɔn latelan ma, kun-takolɔn le wo la.

Hɛnkilimaya-Kumɛnu 12:13

Mɔgɔ-karagbɛlɛ si bira a nyɛrɛta kuma-yogomɛ la iko gbɛrɛ kɔnɔ mɔgɔ-latelennɛ kunyɛ si bɔ tɔrɔyɛ rɔ.

Hɛnkilimaya-Kumɛnu 13:3

A ma i fɛrɛma kuma-tinɛ woletɔ i niyi la si tanka. Kɔnɔ mɔgɛ min ti a miri kuma-tinɛ, a si a nyɛrɛ kasara yona.

Hɛnkilimaya-Kumɛnu 14:23

Wɔli-belebele si tɔnɛ di mɔgɛ ma kɔnɔ kuma-teleka-teleka-fɔɛ si bolo-kolonyɛ lana mɔgɛ ma.

Hɛnkilimaya-Kumɛnu 14:8

Nfenna hɛnkilimɛ bolo la ti bira? Bawo yanni a ni ko-wo-ko ma, fɔ a wa a miri fɔlɔn. Nfenna kuntan si yuwaya-koe ladan? Bawo a ye ko-wo-ko ladanna, a ya a lɔn ko a ye tonyɛ le tɔ kɔnɔ wo fɛ-yan a la.

Hɛnkilimaya-Kumɛnu 9:8

I kana mɔgɔ-wasinɛ latelen bawo ila ko si gboya a ye. Kɔnɔ ni i ya hɛnkilimɛ latelen, a si i gbiliya.

Hɛnkilimaya-Kumɛnu 9:9

Ni i ya hɛnkilimɛ labila, a si do sa ala hɛnkilimayɛ kuma. Ni i ya mɔgɔ-telennɛ karan, ala karan ma si to kofula.

Makawandili Kumɛnu 10:12

Hɛnkilimɛta-kumɛ si a ma, a ni gbiliyɛ sɔrɔn kɔnɔ kun-takolɔnta-kumɛ si nanparan lana a nyɛrɛ ma.

Yemesi 3:13

Hɛnkilimɛ anubɛ ko-lɔnnɛ do ye wo tɛma, wa? A ni wo yira a tagama-nya anubɛ a kɛ-nya-nyimɛnu tɔ. A ni wonu kɛ famayigi anubɛ hɛnkilimayɛ rɔ.