Hɛnkilimaya-Kumɛnu 10:6 - ALLALA KUMƐ

⁶ Mɔgɔ-nyimɛ si duwɛ sɔrɔn kɔnɔ mɔgɔ-karagbɛlɛ si belenna karagbɛlɛya-kumɛnu fɔla.

Hɛnkilimaya-Kumɛnu 10:6 ပူးပေါင်းရင်းမြစ်များ

Ɛsita 7:8

Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Yobu 29:13

Hali sayɛ ara gbɛrɛn mɔgɛ minnu ma, wonu kɛnɛna n tantola. Kɛɛ-musinu bi n sigi sala ka a tɛgɛ nna wɔli-nyimɛla ko la.

Yaburi 107:42

Mɔgɔ-telennɛnu ba wo rayen, anu si sewa kɔnɔ karagbɛlɛnu dɛ si balan gben!

Hɛnkilimaya-Kumɛnu 10:11

Mɔgɔ-nyimɛnu darɔ-kan si ma niyi-tenke la, kɔnɔ karagbɛlɛya-kumɛnu si to bɔla mɔgɔ-yogomɛ dɛ rɔ.

Hɛnkilimaya-Kumɛnu 10:5

Min bi ala dɔn-fan kundɛnna dɔn-fen-tɛgɛ-wati la, hɛnkilimɛ le wo la. Kɔnɔ min ti sɔn atɛ tɛgɛ-koe ma fɔ ka kinɔgɔ, yuwɛ le wo la. A ara milibɛlitaya-koe le ladan wo la.

Hɛnkilimaya-Kumɛnu 11:26

Mɔgɛ min si dɔn-fan lamara, a ti a mayira fɔ a dɛ wa gbɛlɛya, mɔgɛnu si wo tigi danka. Kɔnɔ hinɛ ye mɔgɛ min tɔ, wo ti atɛ lamara fɔ ka a mayira kɔnkɔtoenu ma.

Hɛnkilimaya-Kumɛnu 24:25

Yo sa minnu bolo, ni kiti-tɛgɛlɛ ya wonu tɔrɔ nya-wo-nya, kiti-tɛgɛlɛ si tɔgɔ-nyimɛ sɔrɔn, ado a si sabati.

Hɛnkilimaya-Kumɛnu 28:20

Lanaya-mɔgɛ si duwɛ sɔrɔn boi, kɔnɔ wodi-kalama-nyininɛ anubɛ tɔrɔyɛ ti fara.

Hɛnkilimaya-Kumɛnu 3:33

Mari si dankɛ ladon karagbɛlɛnuna bɔn la kɔnɔ a si duwɛ layigi mɔgɔ-telennɛnu barɛ.

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Hɔbadaya 1:10

Mari ko tɔrɔyɛ bɛɛ si na wo kuma kamasɔrɔn wo ara wo na-kelen-nyɔgɛnu Yakoba kegeyɛnu kankan ka anu faga. Woletɔ a ko wole Idɔm mɔgɛnu si yarabiyi sɔrɔn ka halaki pɔɔ!

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Tɔn-Fɔɛ-Fila-Nyɔgɛ 28:2

Ni wo ya Marita kuman-kan bira, duwɛ kɛ bɛɛ si ma wotɛ la.