Hɛnkilimaya-Kumɛnu 10:4 - ALLALA KUMƐ

⁴ Tinyabagayɛ si bolo-kolonyɛ lana mɔgɛ kuma kɔnɔ sɛbɛ-don-belebele si mɔgɛ ma fen na.

Hɛnkilimaya-Kumɛnu 10:4 ပူးပေါင်းရင်းမြစ်များ

Ko-Dabirɛnu 26:32

Wo tele nyɛrɛ rɔ, Isiyakata wɔli-kɛlɛnu nara a fɔ a ye ko, “Ma ara yi yen mala kɔlon-sinnɛ rɔ.”

Hɛnkilimaya-Kumɛnu 10:5

Min bi ala dɔn-fan kundɛnna dɔn-fen-tɛgɛ-wati la, hɛnkilimɛ le wo la. Kɔnɔ min ti sɔn atɛ tɛgɛ-koe ma fɔ ka kinɔgɔ, yuwɛ le wo la. A ara milibɛlitaya-koe le ladan wo la.

Hɛnkilimaya-Kumɛnu 11:24

Mɔgɛ ye fan nila nya min, a si a sɔrɔn ka tenbi wo la. Kɔnɔ mɔgɛ min kɔrɔndi, wo si don bolo-kolonyɛ rɔ.

Hɛnkilimaya-Kumɛnu 12:24

Mɔgɛ min sɛbɛ wɔlɛ ma, wo si sɛnbɛ sɔrɔn mɔgɛnu tɛma kɔnɔ tinya-mansayɛ si mɔgɛ ma yɔɔn la.

Hɛnkilimaya-Kumɛnu 12:27

Donse min tinyanta, sogo ti taran wola dagɛ rɔ kɔnɔ mɔgɛ min si a raya a tanyinɛ ma, wo si ma fen-tigi la.

Hɛnkilimaya-Kumɛnu 13:4

Fan-sɔgɛ ya tinya-mansɛ bira nya-wo-nya, a ti a sɔrɔn kɔnɔ sɛbɛ-donnɛ nyinita fenfen ma, a si wo sɔrɔn.

Hɛnkilimaya-Kumɛnu 18:9

Mɔgɛ min ti wɔlɛ kɛ a kin na, wonubɛ kasarante rakɛn de!

Hɛnkilimaya-Kumɛnu 19:15

Tinya-mansɛ si to sani bɔn la, kɔnkɛ ye a fisikanna.

Hɛnkilimaya-Kumɛnu 19:24

Tinya-mansɛ donu bi nyɔ, hali a wa a dɔgɔma bi kɔnɔ ka a ladon a nyɛrɛ dɛ rɔ, a ti ke wo mala.

Hɛnkilimaya-Kumɛnu 20:13

I kana kinɔgɛ keni ka to kinɔgɔla, ni wo ma, i si to bolo-kolonyɛ le tɔ. I yɛ maka woletɔ i si dɔn-fen-siyaman sɔrɔn.

Hɛnkilimaya-Kumɛnu 20:4

Wɔli-kɛ-wati wa ke, tinya-mansɛ ti sɔn wɔlila, ado dɔn-fen-tɛgɛ-wati wa ke, a ti fenfen sɔrɔn.

Hɛnkilimaya-Kumɛnu 21:5

Mɔgɛ min bi a sɛbɛ donna wɔlɛ ma, wo si ma le nɔnfulu-tigi la. Kɔnɔ min bi fen-kalamɛ nyinina, wola ban le bolo-kolonyɛ la.

Makawandili Kumɛnu 10:18

Tinya-mansɛla bɔn si tinya a bolo. Ala tinya-mansayɛ wo si a ma, ala bɔn si bɔ.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!