Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.
Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”
Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!