Hɛnkilimaya-Kumɛnu 1:7 - ALLALA KUMƐ

⁷ Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 1:7 ပူးပေါင်းရင်းမြစ်များ

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 15:32

Ni min ye a kan-kɔ sɔla latelan la, wo tigi ma di a nyɛrɛ ye kɔnɔ ni min sɔnta labilɛ ma, wo tigi si ko nya-yen.

Hɛnkilimaya-Kumɛnu 15:33

Ni mɔgɛ kilanta Mari la, a si hɛnkilimayɛ wara-koe karan. Yanni mɔgɛ ni gbiliyɛ sɔrɔn, fɔ a wa a nyɛrɛ famayigi.

Hɛnkilimaya-Kumɛnu 15:5

Ni min ya a kan-kɔ sɔ a fala kawandili-kan la, yuwɛ le wo tigi la kɔnɔ ni min ya wo bira, hɛnkilimɛ le wo tigi la.

Hɛnkilimaya-Kumɛnu 18:2

Ko-nya-yen ma di kun-takolɔn ye. Fɔ ka to a nyɛrɛ miriyanu takaranna, wo le di a ye.

Hɛnkilimaya-Kumɛnu 2:5

Ni i ya wo dama ma, i si Mari-yala-kilan-kɔrɛ lɔn, wo kɔma, i si Alla lɔn bɛrɛbɛrɛ-wɛ-kɛ.

Hɛnkilimaya-Kumɛnu 23:9

Hali i ma i tɔrɔ hɛnkilimaya-kumɛ fɔla kun-takolɔn ye bawo a ti sɔn a bira-koe ma fɔ ka i lafɛya.

Hɛnkilimaya-Kumɛnu 9:10

Hɛnkilima-tigiyɛ dabira-fɔlɛ le ka kilan Mari la. Ni i ya ale Sɛnima-Tigi lɔn, i si ko nya-yen.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”