Hɛnkilimaya-Kumɛnu 1:31 - ALLALA KUMƐ

³¹ Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 1:31 ပူးပေါင်းရင်းမြစ်များ

Hɛnkilimaya-Kumɛnu 14:14

Mɔgɔ-yogomɛ si atɛ sɔrɔn ka a tɛgɛ ata ko-yogoma-kɛ ma kɔnɔ mɔgɔ-nyimɛ si a sarɛ sɔrɔn ala ko-nyima-kɛ rɔ.

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Hɛnkilimaya-Kumɛnu 22:8

Ni mɔgɛ ya telenbɛliyɛ le ki, a si nanparan le tɛgɛ wo gbɛ rɔ nyɔ. Min sanɛ wo kuma, ala mɔgɔ bira-boloko-yogomɛ si ban de!

Yobu 4:8

Ni ndetɛ le, ni min ya hakɛ wɔrɔ ka karagbɛlɛyɛ fui a rɔ, anu ti fenfen tɛgɛ nyɔ fɔ karagbɛlɛyɛ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Hɛnkilimaya-Kumɛnu 5:23

A ye fagala bawo a ma sɔn a nyɛrɛ marala. Ata kuntanya-hakɛ si a latuntun kanbɛ rɔ.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Hɛnkilimaya-Kumɛnu 12:14

Mɔgɔ ye tɔnɛ sɔrɔnna ala kuma-nya-nyimɛ le fɛ, ado a si barayi sɔrɔn iko a kɛ-nya-nyimɛ ye nya min.

Hɛnkilimaya-Kumɛnu 13:2

Mɔgɔ-nyimɛ si barayi sɔrɔn a darɔ-kan fɛ kɔnɔ karagbɛlɛ sigi-kunya le ko-yogoma-kɛ la.

Aiseya 66:4

Woletɔ a ko fɔ a wa anu tɔrɔ serr! Anu bi kilanna min na wɛ kɛ, a si anu tɔrɔ wo la. A ya anu takele kɔnɔ mɔgɔ-wo-mɔgɔ ma a denkun. A kumara anu ye kɔnɔ mɔgɔ-wo-mɔgɔ ma a tole masɔ a la. Ale ara a fɔ koe minnu ma ko anu yogo, anu denu bi tola wonu mala. Koe minnu ma di Mari ye, anu denu tora wonu denu mala.

Yɛrɛmaya 14:16

A ko nɛbi wonu bi kumala minnu ye, wonu furinu na si kɛ a rɔ Yerusalɛm kila-kunyɛnu na. Anu tɔgɔ si to kɔnkɛ anubɛ anu yogenuna faan la. Anuna musu wo, anuna den wo, anu togonna-wo-togonna ti taran. A ko a si anu tɔrɔ feu, iko a bɛnta, anu ni tɔrɔ nya min.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Yɛrɛmaya 21:14

A ko a si wo tɔrɔ ka tɛ tugu wola mansaya-bolɔn la iko wo ara sɔn-yogomɛ min nabɔ. Tɛ wo si fan bɛɛ mintan ala foolɛ rɔ. Ale Mari nyɛrɛ kan le kɛ la.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”