Hɛnkilimaya-Kumɛnu 1:22 - ALLALA KUMƐ

²² A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 1:22 ပူးပေါင်းရင်းမြစ်များ

Yobu 34:7

Ha bi, i wara mɔgɛ do yen min manɛ iko Yobu kɛ? Mɔgɔ-mayɛlan di a ye iko yi di mɔgɛ ye nya min.

Yaburi 1:1

Duwa-dan le wo tigi la min ti a tole sigi karagbɛlɛnuna kawandili-kan kɔrɔ, ado a ti ta hakɛ-tiginuna gbere fɛ, hali ka bila Alla-bɔrɔbɔlɛnu fɛ.

Yaburi 94:8

Wole ko-yogoma-kɛlɛnu, nfenna hɛnkili sa wo bolo? Wole ye hɛnkili sɔrɔnna muntuma?

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 16:28

Mari ya a fɔ Musa ye ko, “Wo si n kan to a gbɛ rɔ wati nyamintan gbɛ?

Hɛnkilimaya-Kumɛnu 1:21

A ye wo kelela ladɛn tinɛ anubɛ kiti fɔ tinɛnu tɔ.

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Hɛnkilimaya-Kumɛnu 1:32

Mɔgɔ-rakolɔnnu bi fagala bawo anu bi anu banna hɛnkilimayɛ la. Hɛnkilimayɛ bɔrɔ sa kun-takolɔnnu ye min kɛ, anu bi anu nyɛrɛ kasarala wo le ma.

Hɛnkilimaya-Kumɛnu 1:4

Mɔgɛ minnu hɛnkili sa bɛrɛkɛ, kumɛ kɛnu si wonu nahalliya. Kumɛ kɛnu si a ma, fonikenu ni yarɔmata-hɛnkili sɔrɔn.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 14:6

Hali mɔgɔ-famayɛlɛnɛ ya hɛnkili nyini, a ti a sɔrɔn kɔnɔ hɛnkilimɛ si ko lɔn yona.

Hɛnkilimaya-Kumɛnu 15:12

A ma di mɔgɔ-famayɛlɛnɛnu ye, mɔgɛ ni anu denu kawandi. Anu ti sɔn tala hɛnkilimɛnu bara anu makawandi-koe rɔ.

Hɛnkilimaya-Kumɛnu 19:29

Mɔgɛ min si to mɔgɛ mayɛlɛnna, tɔrɔyɛ ye wo makɔnɔna. Gbesili fanan bi kun-takolɔn makɔnɔna.

Hɛnkilimaya-Kumɛnu 21:11

Mɔgɛ min si hɛnkili bɔrɔbɔ, anu ba a tɔrɔ, wo si a ma, kuntan fanan ni hɛnkili sɔrɔn kɔnɔ i wa hɛnkilimɛ karan min na, a si wo kɔrɛ lɔn ka a tɔnɛ sɔrɔn.

Hɛnkilimaya-Kumɛnu 21:24

Ni i ya mɔgɔ-wo-mɔgɔ yen mɔgɔ mayɛlɛnna, wasinte anubɛ sɔnkɔtoe le wo tigi la, ado nyɛrɛ-kɔrɔbiyi di a ye.

Hɛnkilimaya-Kumɛnu 22:3

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo pɔrɔka-pɔrɔkɛ le ye tala a kun fɛ ka ta a kian layigi nanparan rɔ sokobo! Yarɔ gbɛ, a ni nimisa.

Hɛnkilimaya-Kumɛnu 3:34

A mako sa mɔgɔ-wasinɛnu na kɔnɔ a si ata kɛ-nya-nyimɛnu yira mɔgɔ-famayiginɛnu na.

Hɛnkilimaya-Kumɛnu 5:12

Wo si to a fɔla wo nyɛrɛ ma ko, “Nfenna n ma hɛnkili sɔrɔn yona? Nfenna n ma n tole masɔ mɔgɛnu na?

Hɛnkilimaya-Kumɛnu 6:9

Tinya-mansɛ si telen sani ala sa-fan rɔ ha wurɛ la.

Hɛnkilimaya-Kumɛnu 7:7

A la ara wuli finna, n ya kemini-mɛsɛ do yen min kun-takolɔn a ta-nyɔgɛnu tɛma. A ye tala soe tɔnkɔn do rɔ musi dola bɔn magbenna.

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yilan-Yilan Koe 14:27

“Mɔgɔ-yogomɛ kɛnu si to gbunya-kumɛ fɔla n ma ha wati mintan? Mɔgɛ kɛnuna gbunya-kumɛ sɔgɔ-wo-sɔgɔ sa n na tun!

Matiyu 17:17

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!”

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Luka 19:42

Yisa ko, “E, Yerusalɛm kɛnu, ni wo ya a lɔn nun min si yisi-kimɛ lana wo ma, wo kin! Kɔnɔ wonu dogonnɛ wo ma kaka,

Yɔni 3:20

Nba, minnu bi ko-yogomɛnu kɛla, wan ma di wonu ye. Anu ti na ke waan ma bawo a ma di anu ye anuna ko-yogomɛnu ni bɔ gbɛ rɔ.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.