Hɛnkilimaya-Kumɛnu 1:10 - ALLALA KUMƐ

¹⁰ Nna den, ko-yogoma-kɛlɛnu ba anu taya i saganna anuna ko-yogomɛnu tɔ, i kana sɔn kofula anu ma.

Hɛnkilimaya-Kumɛnu 1:10 ပူးပေါင်းရင်းမြစ်များ

Ko-Dabirɛnu 37:20

Wo na, ma ni a faga ka a lakɛ kɔlon-tagbalanɛ do rɔ. Ma ni a fɔ ko sogo-yogomɛ do ara a faga. Ma si a lɔn wo rɔ ni ko si bɔ ata kiyo wonu tɔ.”

Yaburi 1:1

Duwa-dan le wo tigi la min ti a tole sigi karagbɛlɛnuna kawandili-kan kɔrɔ, ado a ti ta hakɛ-tiginuna gbere fɛ, hali ka bila Alla-bɔrɔbɔlɛnu fɛ.

Yaburi 50:18

Wo wa kankan-wo-kankan yen, wo si ma wo diyana-mɔgɛ la. Wobɛ yɛlannu bi tola ko kelen tɔ.

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

Hɛnkilimaya-Kumɛnu 16:29

Karagbɛlɛ si a ta-nyɔgɛ bɔ kila-nyimɛ fɛ. A si a lasama kilɛ ma.

Hɛnkilimaya-Kumɛnu 20:19

Ko-rafɔlɛ ti ke gbundi marala. I masɛgi kuma-pɔrɔtɔparata-fɔlɛ la.

Hɛnkilimaya-Kumɛnu 24:2

bawo anu miriya bɛnni ma fenfen ma fɔ ka nanparan ratɛgɛ. Anu ya anu dɛ sɔ mɔgɔ-wo-mɔgɔ ma, wo yisi si tɔrɔ a ma.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Tɔn-Fɔɛ-Fila-Nyɔgɛ 13:8

i kana sɔn ka i tole masɔ mɔgɔ-su wola kɛwuya-kumɛ la ka bila a fɛ. I kana kinikini a ma ka a latanka.