Hegayi 2:9 - ALLALA KUMƐ

⁹ Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Hegayi 2:9 ပူးပေါင်းရင်းမြစ်များ

Aiseya 60:7

Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Aiseya 66:12

Mari ko a si to yisi-kimɛ dila wo ma iko bɛ ye yigila nya min beyabeya! Duninya-nɔnfulinu si anu kun sa wo ma iko bɛ. Wo si to wo susunna iko den-pulan. Wo si to sigini Mari kɔnkɔn tɔ. Mari si to den-pulan wo radɔnna a tontɛ kuma.

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Hegayi 1:8

Wo ni yɛlɛ gbɔngbɔnnu kɔrɔ ka kɔlɔmanu malɛsɛ nyɔ ka na nde, Marita Bato-Bɔn sɔ. Ni wo ya wo ma, n si gbiliyɛ sɔrɔn wo bolo. Wo si a diya don n tɔ.

Hegayi 2:3

“Mɔgɛ do si taran wo tɛma min si ke ka a miri Bato-Bɔn fɔlɔtɛ sɔ-nya ma tun, wa? Fɔlɔ nun, a kin kosɛbɛ! Kɔnɔ kɛ ye wole yala kama kaka? Kɛ mani de iko fufafuyi wole yala, wa?

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Yemesi 2:1

N na-kelen-nyɔgɛnu, wole minnu dɛnkɛninyanɛ ma Mari Yisa, Allata-Mɔgɔ-Yabɔnɛ ma, gbiliya-tigi, kɔni, wo kana mɔgɔ bira-nya lafisaya anu nyɔgɔn ko a yen-nya fɛ mumɛ!