Hegayi 2:7 - ALLALA KUMƐ

⁷ A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Hegayi 2:7 ပူးပေါင်းရင်းမြစ်များ

Ko-Dabirɛnu 22:18

Duninya-mɔgɛ bɛɛ si duwɛ sɔrɔn ile bɔnsɔn fɛ kamasɔrɔn i wara n kuman-kan to a gbɛ rɔ.”

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

1 Mansɛnu 8:10

Saraka-masɔlɛnu ya anu kunyɛ labɔ Sɛnima-Sɛnima-Tinɛ rɔ tumɛ min, banda-fin-gbɛ, Marita gbiliyɛ, kɔni, wo ya bɔn wo bɛɛ lafa. Wo le ya a ma, saraka-masɔlɛ wonu bɔra luyi ma. Anu ma ke sɛgila nyɔ wo wati rɔ ka anuna wɔlɛ kɛ.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 60:4

Yerusalɛm, i fɛlɛ bɛɛ mafɛlɛn. Mɔgɛnu bi anu kundɛnna ka na i wara. Ila den-keinu bi nala ka bɔ wula-yan la pon! Ila dunmusinu fanan bi nala wonu fɛ.

Aiseya 60:7

Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Isikiyɛli 38:19

A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Hegayi 1:8

Wo ni yɛlɛ gbɔngbɔnnu kɔrɔ ka kɔlɔmanu malɛsɛ nyɔ ka na nde, Marita Bato-Bɔn sɔ. Ni wo ya wo ma, n si gbiliyɛ sɔrɔn wo bolo. Wo si a diya don n tɔ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Luka 19:47

Yisa tora mɔgɛnu karanna tele-wo-tele Alla-Bato-Bɔn la. A faga-sɔgɛ ye saraka-masɔla-wɛnu na anubɛ tɔn-karan-mɔgɛnu anubɛ kun-tigi minnu bi anu tɛma nun.

Luka 2:27

Yisa sɔrɔnnɛnu nara Yisa la Alla-Bato-Bɔn la. Anu ya wo ma a ye iko a sɛbɛnɛ Allata tɔn rɔ nya min. Wo wati, Allata Ni-Sɛnimɛ ya Simiyɔn ladon Alla-Bato-Bɔn la.

Luka 2:46

A tele sawa nyɔgɛ ma, anu ya a taran Alla-Bato-Bɔn la. A siginɛ Yahudiya karan-mɔgɛnu fɛ. A ye a tole masɔla anu na ka anu manyinika ko siyaman na.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 21:38

Mɔgɛnu si suri subaga-dɛ ma ka ta Alla-Bato-Bɔn la anu tole masɔ tinɛ a la.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Kalesiya 3:8

Allala kitabu ya a labɔ gbɛ rɔ ma ye bi ma, ko Alla si sibolo-gbɛrɛnu fanan natelen a nyɛrɛ ye dɛnkɛninyɛ fɛ. Wo le ya a ma, Alla ya kibara-nyimɛ wo fɔ Iburayima ye. A sɛbɛnɛ ko Alla si ata duwɛ kɛ duninya-mɔgɛ bɛɛ ye Iburayima baraka rɔ.

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.