Hegayi 2:6 - ALLALA KUMƐ

⁶ Mari Sɛnbɛ-Bɛɛ-Tigi kan le kɛ la. A ko a ti mɛ tun, a si san-kole anubɛ dugu-kole layɛrɛyɛrɛn. A si kɔgɔ-yi anubɛ dugi layɛrɛyɛrɛn.

Hegayi 2:6 ပူးပေါင်းရင်းမြစ်များ

Yobu 9:6

Alla si dugu-yɛrɛyɛran lana min si dugu-kole bɛɛ layɛrɛyɛrɛn. A si duninya-sɛnbɛrɛn-kɔn bɛɛ layɛrɛyɛran sikisiki!

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 37:10

A ti mɛ lefan, karagbɛlɛnu bara-koe si tunu yen! I si anu nyini, ado anu na si to dogbe!

Aiseya 10:25

A ko wati-kundu-ni ba tenbi, a si a fara wo tɔrɔla. A ko wo kɔma, a ni a ya-lamunun Asiriyanu na ka anu tɔrɔ.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 29:17

Iko mɔgɛnu bi a fɔla nya min ko a ti mɛ, fɔgbɛ si ma sɛni sa tinɛ la, sɛni sa tinɛ si ma fɔgbɛ la tun.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Yɛrɛmaya 33:14

Mari ko wati ye nala, a ara lanyiri min kiri Isirɛla anubɛ Yuda nyamanita-mɔgɛnu ye, a si wo latɔnbagaya.

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Isikiyɛli 38:19

A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Isikiyɛli 38:20

A ko a yɛgɛ wo, a koni wo, a sogo-kinama wo, a sogo-mɛsɛ wo, a hadama-den wo, anu dama si yɛrɛyɛrɛn kilan bolo ka a tɛgɛ Marita kabana-koe ma wulɔn. Kɔnkɛnu si bui. Farɛnu dɛ la si ka. Tarɛ bɛɛ si ta sala a ma dundulu!

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Kɛwɔlɛnu 2:19

A ko a si kabana-koenu yira san-kole rɔ anubɛ tamaserenu dugu-kole kuma. Yele si bɔ anubɛ tɛ anubɛ ta-sisi-wɛ.

Hiburunu 10:37

Iko a sɛbɛnɛ Allata kitabu rɔ nya min, a ko, “Wati-kundunɛ ara to, min bi nala, wo si na. A sa mɛla tun.

Lankɛnimayɛ 11:9

Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anuna kan faranɛ nya min, wonu si nɛbi wonu furi mafɛlɛn tele sawa ani a tala kɔrɔ. Anu ti sɔn wonu togon-koe ma.