Hegayi 2:22 - ALLALA KUMƐ

²² N si sɛnbɛ bɔ duninya kun-tiginu bolo. Anuna kirindinu si yɛlɛma ala burilɛnu na. Anuna kɛlɛ-dannu anubɛ anuna soeenu si faga kɛlɛ rɔ.

Hegayi 2:22 ပူးပေါင်းရင်းမြစ်များ

2 Ko-Kɔrɔta-Karan 15:6

Sibole donu bi sibole donu kɛlɛla. Soe donu bi soe donu kɛlɛla bawo Mari ye tɔrɔyɛ lanala wo ma.

2 Ko-Kɔrɔta-Karan 20:22

Sigi-sɛ dabirɛ anu bolo, Mari ya a ma, anu yogenu kumakɔra.

2 Ko-Kɔrɔta-Karan 20:23

Amonnuna kɛlɛ-dannu anubɛ Mohabununa kɛlɛ-dannu tara bui Idɔm kɛlɛ-dannu ma ka anu bɛɛ kasara. Anu ban wonu kɛla, Amonnu anubɛ Mohabunu ya anu ya-lamunun anu nyɔgɔn na ka anu nyɔgɔn faga.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Yaburi 76:6

Ile Yakobata Alla ya anu makilan nya min wo, anuna kirindi-laburilɛnu anubɛ anuna soeenu fagara anu gbɛ wo le tɔ.

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:28

Iyipiti mɔgɛ minnu bɛɛsi tara Isirɛla mɔgɛnu sagaran tinɛ, wo bɛɛsi kunyɛ tora-a-rɔ dogbe! Hali mɔgɔ-den-kelen ma to.

Bɔ-Koe-Iyipiti 15:19

Isirɛla mɔgɛnu tagamanta kɛn-gbalanɛ kuma Kɔgɔ-Yi-Wulan tɛma nun. Kɔnɔ ale mansɛla kɛlɛ-dannu bi tenbila anuna kirindinu na anu bolo tumɛ min kɛn wo ma, Mari ya Kɔgɔ-Yi-Wulan keri anu kuma.

Bɔ-Koe-Iyipiti 15:4

“Mansɛ wola kɛlɛ-nyananu, Mari ara wonubɛ anuna kirindinu nafili yi wo rɔ.

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 60:12

A ko ni sibole min ma wɔli i ye, wonu si kasara pɔ!

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 38:21

A ko a si ale Mansa Kɔgi kumakɔ nyagba-su bɛɛ la. Ale Mari kan le kɛ la. Ale Mansa Kɔgila kɛlɛ-dannu si to anu nyɔgɔn kɛlɛla.

Isikiyɛli 39:20

A kɛlɛ-den wo, a so wo, a so-laburila wo, sogenu si fa suyi kɛnu na ladɛn wo kuma dɔgɔma-ma-de! Nde, i Tigi Mari kan le kɛ la.”

Daniyɛli 8:25

Ka a tɛgɛ ala kɛwuyɛ wo ma, ala yanfanteyɛ wo bɛɛ ra si bɛn a ma. A si ma mɔgɔ-makawanɛ la a nyɛrɛ yala. Hali a ma minnu nalɔn, a si wonu natɛrɛna ka anu kasara. Hali wo, a si Mansɛ-Bɛɛta-Mansɛ kɛlɛ, Alla nyɛrɛ, kɔni. Kɔnɔ tɔ-a-la, a si kasara kɔnɔ a tɔgɔ ti to hadama-den na.

Emɔsi 2:15

Hali kalabɛn-nakɛlɛnu ti ke anu sɔla anu gba kelan tɔ ka anuna kalabɛn nakɛ buri bolo. Minnu kian ragbɛlɛ buri-kɛ-tinɛ, wonu ti ke anu nyɛrɛ lakisila. Hali so-laburila-wɛnu ti ke anu nyɛrɛ niyi lakisila.

Maika 5:10

Mari ko wo wati wa na tumɛ min, a si wole, Isirɛla mɔgɛnuna soeenu anubɛ wola kirindinu tinya wo tɛma.

Maika 5:15

Sibolo-mɔgɛ bɛɛ minnu ti sɔn ata kumɛ birala duninya rɔ, Mari fonde si bɔ wonu kuma ka wonu tɔrɔ bɛrɛkɛ.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Maika 5:9

Isirɛla mɔgɛnu si anu yogenu nɔ ka anu nato dogbe!

Maika 7:16

Kɔnɔ ni i ya wo ma, hali sibolo-gbɛrɛkɛ-mɔgɛnu tagbɛlɛ, anu kɔndɔ si fili miliyɛ bolo. Isirɛla mɔgɛnuna ta-koe yarɔ, wo lamɔɛn-sɔgɛ ti anu bira. A sɔgɔ sa anu na, anu ni anu dɛ bila Isirɛla mɔgɛnu bara-koe rɔ tun. Anu dɛ si ma gbɔgbɔrɔ!

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Sakaraya 12:9

Wo wati wa ke, sibolo-wo-sibolo wa a nyɛrɛ ma Yerusalɛm kɛlɛlɛ la, a ko a si wo halaki.

Sakaraya 14:3

Wo kɔma, Mari si ta sibole kɛnu kɛlɛ iko a duruta a mala nya min nun.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.

1 Samuwɛli 14:16

Mansa Sɔlita kɛlɛ-dan minnu bi Kibiyon makandanna Bɛnyamɛta nyamanɛ rɔ, wonu ya Filisitinu burimatoe basannɛ yen nyɔ la kumakɔɛ bolo.