Hegayi 2:21 - ALLALA KUMƐ

²¹ “A fɔ Yuda Nyamani-Tigi Sarababulu ye ko n si san-kole anubɛ dugu-kole layɛrɛyɛrɛn!

Hegayi 2:21 ပူးပေါင်းရင်းမြစ်များ

1 Ko-Kɔrɔta-Karan 3:19

Yɛhoyasinla den Pɛdaya ya den-kei mɔgɔ fila sɔrɔn, Sarababulu anubɛ Simayi. Sarababulu ya den-kei mɔgɔ fila sɔrɔn, Mɛsulam anubɛ Hananaya. Dunmusi fanan taranta a bolo. Wo tɔgɛ le Sɛlomiti.

Ɛsira 2:2

Minnu sɛgira, wonuna kun-tiginu tɔgɛ le kɛnu na, Sarababulu wo, Yɛsuwa wo, Nihɛmaya wo, Sɛraya wo, Riyɛlaya wo, Mɔdekɛyai wo, Belesan wo, Misipari wo, Begifeyai wo, Rihum wo, anubɛ Beyana. Kebilɛ minnu sɛgira ka bɔ biralɛ rɔ anubɛ min bɔra kebila kelen-kelan bɛɛ rɔ, wo yatɛ le kɛnu na tala.

Ɛsira 5:2

Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 26:15

“Nde, wo tigi Mari ya kɛ le fɔ Taya soe wara-koe rɔ tun. N ko anu yogenu tenbi anu fagala tumɛ min, anu si to kurunna. Nyɔ-dafɛ-mɔgɛ minnu siginɛ kɔgɔ-yi dala wa anu kurun-kan lamɔɛn, wonu si to yɛrɛyɛrɛnna kumakɔɛ bolo.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:14

Mari ya nyamani-tigi anubɛ saraka-masɔla-kun-tigi-wɛ anubɛ Isirɛla mɔgɛ toe bɛɛ lakerinteya a Bato-Bon-wɔlɛ ma. Dariyasila mansayɛ san fila, a karɛ wɔrɛ, tele mogan-ni-nanɛ ma, Isirɛla mɔgɛnu ya anuta Mari Alla Sɛnbɛ-Bɛɛ-Tigita Bato-Bon-sɔɛ dabira wulɔn.