Hegayi 2:17 - ALLALA KUMƐ

¹⁷ Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Hegayi 2:17 ပူးပေါင်းရင်းမြစ်များ

Ko-Dabirɛnu 42:23

Hali kan-natenbilɛ ye anu tɛma nun kɔnɔ anu ma a lɔn ko anu bi min fɔla, Yusufu ara wonu namɔɛn.

Ko-Dabirɛnu 42:27

Anu kira kan min, mɔgɔ kelen ya ala bɔrɛ lafulen. A sɔgɛ ye a la ka ala sofɛlɛ de-nyini. Wo ya ala bɔrɛ lafulen tumɛ min, a ya ata wodi yen dɔn-fan kuma ala bɔrɛ wo rɔ.

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

2 Ko-Kɔrɔta-Karan 6:28

“Ni kondɔnnu, ni wo ma, tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, hali fui-fan la ara kerun, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kiraya-yogomɛ ni anu tɔrɔ, ni anu ya i matara, i ni anu makoto.

Yobu 36:13

Mɔgɛ minna ko sa Alla wara-koe rɔ, wonu bi tola yisi-magboyɛ le kun na. Hali anu ba tɔrɔyɛ sɔrɔn, anu ti Alla madiya.

Yaburi 128:2

Ala wɔlɛ si a makoe bɛɛ nyinya. A sewanɛ si ta yarɔ.

Yaburi 78:46

A ya kondɔnnu natugu anuna dɔn-fannu kun na. Wonu ya anuna dugi makolonya filili!

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 37:27

Mɔgɛ minnu bi so-kunbɛ wonu tɔ, wonu kumakɔra. Anu kilanta dɔgɔma-ma-de! Mɔgɛ wonu kun mayɛlɛmanɛ iko taraba-tele wa sɔ yerima-fɛrɛn san la.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 3:24

“Ka a bi ma dennɛ ma, ma fanu bi tɔrɔla min na, ma ye wonu dila layarabi-bɛsɛ kɛnu ma sarakayɛ la. Bɛsi-fufafuyi wonu bara ban ma fanuna kolo-fannu kunyɛ latola a rɔ. Anu bara ma fanuna dannu bi fanan.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Hegayi 1:11

N ya tɛtɛgɛ ladon bandɛla nɛ rɔ nyamanɛ kɛ rɔ. N ma bandɛ lana wola kɔnkɛnu kuma anubɛ wola sɛnɛnu tɔ. N ma bandɛ lana wola nɔnbɔ-gbɔɛnu kuma anubɛ wola ɔlifi-tuli kɔlɔmanu kuma. N ma bandɛ lana wo fenfen kuma wobɛ wola kolo-fannu si min dɔn.”

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Hegayi 2:16

wo ye tala wola ki-fannu mafɛlɛn tinɛ nun, wo ya a lɔn ko wo si bɔrɔ fila le tɛgɛ anu tɔ nyɔ nun. Kɔnɔ wo wa ta anu tɛgɛ gbɛ, bɛɛtɛ si bɛn bɔrɔ kelen-kelen de ma. Wo wa ta wola nɔnbɔ-gbɔɛnu burun tinɛ, wo ya a lɔn ko anu yi si bara mogan bɔ nun. Kɔnɔ wo wa anu yi kɛ barɛnu tɔ tumɛ min, bɛɛtɛ si bɛn bara segin-segin de ma!

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Tɔn-Fɔɛ-Fila-Nyɔgɛ 28:22

Mari si kiraya-yogomɛnu nana wo kuma minnu si wo bara. Yiri-kirayɛ si wo bira. Kimɛ ti bɔ wo la. Banda mumɛ ti na wola nyamanɛ rɔ. Samɛ si ma iko telema-kerekere wo wati rɔ. Taraba-tele si mɛ wo tɔrɔla ha wola sɛnita-fan bɛɛsi ni gbala. Kɔndɔfili kɛ si to wo kuma ha wo damasi ni faga.

Lankɛnimayɛ 2:21

N bara wati di a ma alako a ni a kɛ-nya yɛlɛma kɔnɔ a sa a fɛ, a ni fara ala yɛlɛnyɛ la.