Hegayi 2:14 - ALLALA KUMƐ

¹⁴ Nde, Nɛbi Hegayi ya Marita kumɛ kɛ le fɔ ko, “Ka a bi Marita Bon-tinya-wati ma ha ka a sigi kaka la, wo biranɛ Mari bolo ka le. Wo mani de iko mɔgɛ kɛnu min sɛninyabɛlɛ. Wo ya fenfen fui, a ti ma-a-la. Wo ya saraka-wo-saraka bɔ, a ti wo munanfaga.

Hegayi 2:14 ပူးပေါင်းရင်းမြစ်များ

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Hoseya 9:4

Wo wa ke nyɔ, wo ti ke saraka-wo-saraka bɔla tun Mari ye. Nyɔ-sarakɛnu ti a hɛnɛ feu, ado nyɔ-dɔn-fan si ma iko mɔgɛnu bi min dɔnna saya-koe kuma. Wo si ma kɔsɔ. Wo bu-rakɛ-fan le wo la dɔrɔn, ado dɔn-fan wo ti ma sarakɛ la Mari Bato-Bɔn la.

Taita 1:15

Fen bɛɛ sɛnima mɔgɔ-sɛnimɛnu ye kɔnɔ fenfen sɛninyani ma sɔn-yogoma-tiginu ye anubɛ dɛnkɛninyabɛlɛnu bawo anu hɛnkili anubɛ anu sɔndɔmɛ latinyanɛ.

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.