Hegayi 1:6 - ALLALA KUMƐ

⁶ Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Hegayi 1:6 ပူးပေါင်းရင်းမြစ်များ

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

1 Mansɛnu 17:12

Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

Nihɛmaya 5:2

Donu bi a fɔla ko, “Mala denbayɛnu siya, ado dɔn-fen-koe ma a bɔ ma bolo.”

Yobu 20:22

Ala nɔnfuli wa wara tumɛ min, ala nɔnfulu-tigiyɛ si yɛlɛman mɔnɛ la ha a ni a digin dugi la.

Yobu 20:28

Allata fondo-bɔɛ si tugu a kun na iko yi. A si tugu a bolo-fan bɛɛ kun na ka ta anu na Allata Kiti-Tɛgɛ-Lunyɛ.

Hɛnkilimaya-Kumɛnu 11:24

Mɔgɛ ye fan nila nya min, a si a sɔrɔn ka tenbi wo la. Kɔnɔ mɔgɛ min kɔrɔndi, wo si don bolo-kolonyɛ rɔ.

Aiseya 5:10

Sara-ninki tan si min nyɔgɔn dugu wɔrɔ tele kelen kɔrɔ, nyɔ si nɔnbɔ-gbɔ-yi kalɔn wɔrɔ le dɔrɔn bɔ. Fui-fan bɔrɔ kelen wa wɔrɔ kan min, fɔ pani-nya wɔrɔ pe, wo si wo le dɔrɔn sɔrɔn nyɔ.”

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 14:4

Dugi bɛɛ ra si farafara bandɛ lanabɛlitayɛ bolo. Sɛni-salɛ bɛɛsi yisi ara tinya pɔ! Anu bi anu yakɔrɛ dogonna miliyɛ bolo.

Yɛrɛmaya 44:18

Kebi ma farata sarakɛnu dila mala bɛsi-musu-mansɛ wo ma, ma wara-koe mara le gbɛ yuliyali! Mala mɔgɛnu kunyɛ tora kɛlɛ anubɛ kɔnkɔ-fitinɛ rɔ.”

Hoseya 4:10

Hali wo ye wo niyi sɔrɔnna sarakɛnu tɔ, kɔnkɛ ti bɔ wo la. Hali wo kira dan nyinina wo kun-da-filɛ bɛɛ la, wo ti a sɔrɔn bawo wo ara nde, Mari boloka ka bila bɛsɛnu fɛ.”

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Hegayi 1:10

Woletɔ bandɛ sa nala. Fenfen ti sabati a kilɛ fɛ!

Hegayi 1:5

Wo sa a yenna min bi mala wo la?

Hegayi 1:7

Ha bi, wo ma a lɔn min ya a to, kɛnu bi mala wo la, wa?

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Hegayi 2:16

wo ye tala wola ki-fannu mafɛlɛn tinɛ nun, wo ya a lɔn ko wo si bɔrɔ fila le tɛgɛ anu tɔ nyɔ nun. Kɔnɔ wo wa ta anu tɛgɛ gbɛ, bɛɛtɛ si bɛn bɔrɔ kelen-kelen de ma. Wo wa ta wola nɔnbɔ-gbɔɛnu burun tinɛ, wo ya a lɔn ko anu yi si bara mogan bɔ nun. Kɔnɔ wo wa anu yi kɛ barɛnu tɔ tumɛ min, bɛɛtɛ si bɛn bara segin-segin de ma!

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Sakaraya 8:10

A ko yanni wo wati ni ke, hali wole anubɛ wola kolo-fannu masan-wodi ma kolo wo bolo. A ko mɔgɔ ma ke a halala-wɔlɛ kɛla bawo wo yogenu taranta wo kan ma kan tinɛ bɛɛ rɔ. A ko ale le ara mɔgɛnu nakɛ anu nyɔgɔn ma nun.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Tɔn-Fɔɛ-Fila-Nyɔgɛ 28:17

“Wola dɔn-fen-namara-sagɛnu anubɛ wola dɛgɛ-ramaga-mirannu si to dankɛ kɔrɔ. Anu takolɔn si to.