Hegayi 1:4 - ALLALA KUMƐ

⁴ “Nta mɔgɛnu, nfen ya a to, wo siginɛ bon-hakikɛnu na kɔnɔ nde, Marita Bota-Bɔn wo ye wuyala?

Hegayi 1:4 ပူးပေါင်းရင်းမြစ်များ

2 Samuwɛli 7:2

Mansa Dawuda ya a fɔ Nɛbi Netan ye ko, “Nde siginɛ bon-hakikɛ min nadannɛ sida kɔlɔma la kɔnɔ Marita tɔn-kenkirɛ wo siginɛ fani-bɔn la.”

2 Mansɛnu 5:26

Kɔnɔ Nɛbi Ilaisa ya a fɔ a ye ko, “Kei wo ye bɔla ala kirindi rɔ wati min ka sɔ dugi ma, n kuntɔ-yɛ ye nyɔ nun. Wodi-gbɛ anubɛ kura-bira-wati ma kɛ la. Ki-fen wo, kolo-fen wo, wɔli-kɛla wo, wonu bira-wati ma kɛ la.

Yaburi 102:14

Hali Yerusalɛm soe ara tinya, nyɔ di Isirɛla mɔgɛnu ye. Hali nyɔ ara tii bolo-wo-bolo, ala kinikinɛ ye Isirɛla mɔgɛnu tɔ.

Yaburi 74:7

Wo kɔma, anu ya i Bato-Bɔn tinya ka tɛ tugu a la. Mɔgɛnu bi i batola kan tinɛ wo min tɔ, anu bara nyɔ latinya.

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Nimisa Koe 2:7

N Tigi Mari ya a kan-kɔ sɔ aleta saraka-mintan-tinɛ anubɛ a Bato-Bɔn la. A ya a ma, ma yogenu ya Bato-Bon-dandan labui. Male ye batoli kɛla kan min nun sewɛ la, ma yogenu bi wasawasɛ layɛlɛla nyɔ.

Nimisa Koe 4:1

Mala sɛnɛ min bi malan-malanna nun, wo ara tinya. Mala Bato-Bon-sɛnima-kurinu ta ara nyɛnsɛn Yerusalɛm lu-kole bɛɛ ma.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Saraka-Masɔlɛnuta Tɔnnu 19:25

A san loli nyɔgɛ ma, a gbɔ siyaman si taran a la wo si min dɔn. Nde, wota Mari Alla ya kɛ le fɔ wo ye.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Hegayi 1:3

Mari kuman-kan le kɛ la Nɛbi Hegayi ye ka a fɔ Isirɛla mɔgɛnu ye, a ko,

Hegayi 1:5

Wo sa a yenna min bi mala wo la?

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Filipai 2:21

Mɔgɔ-toe bɛɛ ye hɔnna a nyɛrɛta koenu denu dɔrɔn na, Yisa Kirasitila koenu ma de!