Habakuku 3:6 - ALLALA KUMƐ

⁶ Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Habakuku 3:6 ပူးပေါင်းရင်းမြစ်များ

Ko-Dabirɛnu 49:26

N bara duwɛ minnu kɛ ile Yusufu ye kɛ la, wo kolo ndeta duwɛ ko i benbanu ya min kɛ nde ye. Iko kɔnkɔ-wɛnu bara mɛ dugu-kole kɛ kuma nya min, ileta duwɛ si mɛ wo nya na le. Ile Yusufu min bi i na-kelen-nyɔgɛnu kun na kɛ la, alamɛ duwɛ kɛnu birara ile ma.

Yobu 21:18

Mɔgɔ ti Alla yen anu fɛla iko bin-gbalɛ ni wo ma, iko fɔnyɔ ye tala gbangban min na.

Yobu 9:5

Alla si kɔnkɛ bɔ a gbɛ rɔ hali a ma mɔgɛ lasui a ma. Ni a fonde bɔra, a si kɔnkɔ-belebele-wɛnu nabui fugbu!

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 104:32

A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 35:5

Mari, ita melika tenbi n yogenu gbenna, alamɛ anu mara iko bin-gbalɛ, fɔnyɔ ye tala min na pon!

Yaburi 68:16

Wole min bi bɛsi-kɔɛ kun na Basan kɔnkɛ ma, nfenna wo ye Allata mɔgɛnu makeliyala minnu bi a bato tinɛ a nyɛrɛta kɔnkɔ-yabɔnɛ ma? Ado nfan, Mari mayiginɛ nyɔ le habadan!

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Yaburi 97:5

Kɔnkɛnu si lee Mari yakɔrɔ bandin iko kɛɛn, dugu-kole mumɛ bɛɛ tigi, kɔni.

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Bɔ-Koe-Iyipiti 15:17

Mari, i wara kan tinɛ min yabɔ ka a ma i nyɛrɛ mayigi tinɛ la, i nyɛrɛ si ita bato-bɔn sɔ ma ye nyɔ. I si ta ma sigi ita kɔnkɔ-sɛnimɛ wo kuma nyɔ.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 21:31

Ni turɛ wo ya mɔgɛ dola dan do sɔgɔ a kere la, wo ni a ma a la iko tɔn kɛ ye nya min.

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Luka 1:50

Ka a bi n benba benbɛnuta wati ma ha ka yigi, min bɛɛ kilannɛ Alla la ka a sako kɛ, a si kinikini wonu ma.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Tɔn-Fɔɛ-Fila-Nyɔgɛ 33:15

Alamɛ kɔn-gbɔ siyaman bɔra wola kɔnkɛnu tɔ.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.