Habakuku 3:3 - ALLALA KUMƐ

³ Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Habakuku 3:3 ပူးပေါင်းရင်းမြစ်များ

Ko-Dabirɛnu 21:21

A sigira Paran wulɛ rɔ. A na tara musi do furu a ye Iyipiti nyamanɛ rɔ ka na wo don a bolo wulɛ rɔ nyɔ.

1 Mansɛnu 11:18

Mansa Hedadi anubɛ a fala wɔli-kɛlɛnu bɔra Midiya nyamanɛ rɔ ka ta furr, fɔ Paran wulɛ rɔ. Wo kɔma, mɔgɛ donu tara kofu anu ma nyɔ rɔ. Anu dama bɔra nyɔ ka ta ha Iyipiti nyamanɛ rɔ. Anu ke mansɛ ma, wo ya anu yiya ka dɔn-fan di anu ma. A ya dugi do di anu ma fanan.

Yaburi 113:4

Sibole-bɛɛ-maralɛ le Mari la, ado ata gbiliyɛ ye san-kole bɛɛ kuma pon!

Yaburi 148:13

Wonu damasi ni Mari tanto. A tɔgɛ kolo tɔgɛ bɛɛ ko. Ala gbiliyɛ kolo fan bɛɛ ko minnu bi san-kole anubɛ dugu-kole ma.

Yaburi 3:2

Anu bi a fɔla n ma ko, “Alla ti kɛ latanka.”

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 4:4

Wo ni yɛrɛyɛrɛn kilan bolo ka fara hakɛ kɛla. Wo sanɛ tenbi suyi rɔ, wo ni wo rade ka wo miri nna kumɛ kɛnu ma sin!

Yaburi 48:10

Mɔgɛnu bi i matɔgɔla duninya kan tinɛ bɛɛ rɔ. Ila tɔgɔlamayɛ ye duninya-tonke bɛɛ rɔ. Ile si maralɛ kɛ telenbagayɛ la.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yaburi 9:20

A ma, anu ni kilan. Anu ni a lɔn yati, ko hadama-dan le anu na dɔrɔn!

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Aiseya 64:3

Ma ara tɛrɛna koe donu na ile Mari bolo, ma miri sa minnu ma. I yigira tumɛ min, kɔnkɛnu yɛrɛyɛrɛnta kumakɔɛ bolo.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Emɔsi 1:12

Mari ko a si tɛ layigi Timan soe kuma ka Bɔsira soe anubɛ a tarɛ mintan wo warɛ nyɔ.” Amon Mɔgɛnu

Hɔbadaya 1:9

Wola kɛlɛ-kurugbɛnu kun ma si kɔ Idɔm nyamanɛ rɔ. Wola kɛlɛ-dannu dama si faga tɛrr!

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Yilan-Yilan Koe 10:12

Wo tele nyɛrɛ rɔ, Allata banda-fin-gbɛ wulita Sinayi wulɛ rɔ ka ta Paran wula-da-rakolɔn rɔ.

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

1 Samuwɛli 25:1

Samuwɛli fagara, woletɔ Isirɛla mɔgɛ bɛɛsi kundɛnta kan-tina-kelen ka di ala ko la. Anu ya a togon a sɔrɔn-soe burɔ Rema. Wo kɔma, Dawuda tara Paran wulɛ rɔ.