Habakuku 3:2 - ALLALA KUMƐ

² Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Habakuku 3:2 ပူးပေါင်းရင်းမြစ်များ

Ɛsira 9:8

E, mata Mari Alla, i nyimayanɛ ma wara la bawo i ya a ma, donu kunyɛ ara bɔ biralɛ rɔ wati-kundunɛ kɛ kɔrɔ. I ya a ma, ma sigira lafɛrɛ rɔ kan-tina-sɛnimɛ kɛ rɔ. I wara ma kunyɛ labɔ yɔɔnyɛ rɔ ka ma hɔrɔya.

Yobu 42:5

Fɔlɔ nun, n bi i wara-koe lamɔɛnna mɔgɔ-dogbɛrɛnu bolo kɔnɔ kaka, n bara i yen n nyɛrɛ yɛ la.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 25:6

E, Mari, i wara ila keninteyɛ anubɛ ila kinikinɛ min kɛ ma ye nun kebi fɔlɔ, i ni i hɛnkili to wo ko.

Yaburi 38:1

E, Mari, ni i kɔrɔtɔnɛ wati min, i kana n tɔrɔ.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 85:6

I ti ma lakuraya tun alako male, ita mɔgɛnu ni i matɔgɔ?

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 10:24

Mari, ila mɔgɛnu natelen ita telenbagayɛ la. Kɔnɔ i kana ma tɔrɔ ita fondo-bɔɛ la. Ni i ya wo ma, ma wara-koe si ka-a-la.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Yɛrɛmaya 46:28

A ko wole, Yakoba kegeyɛnu, wo kana kilan. A ko a si na wo wara ka wo lakisi. A ya wo ranyɛnsɛn kan-tinɛ min bɛɛ rɔ, a ko a si sibole wo bɛɛ kasara kɔnɔ a ti wole lato. A ko hali wo, a ti wo tɔrɔbɛlɛ to kɔnɔ a ye tɔrɔya-bɛnmatɛ dila wo ma. Mari kan le kɛ la.

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Habakuku 3:1

Nɛbi Habakukuta mataralɛ le kɛ la.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Yɔni 10:10

Kankan sa nala fenfenna ko la fɔ kankanyɛ anubɛ fagalɛ anubɛ tinyalɛ. Nde nara alako anu ni ni-kurɛ sɔrɔn, ado anu si a sɔrɔn bui!

Romu 10:16

Kɔnɔ bɛɛ ma kibara-nyimɛ bira. Nɛbi Aiseya nyɛrɛ ya a fɔ ko, “Mari, yon bara la mala sarakanɛ la?”

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 12:21

Anu ya min tayen kɔnkɛ wo kuma, wo ya a ma, anu kilanta kati! Hali Musa nyɛrɛ ko, “N fɛrɛ bɛɛ ye yɛrɛyɛrɛnna kilan bolo!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”